Хаартыска: sakha.gov.ru
Сүрэх-тымыр ыарыылара дойду үрдүнэн киһи өлүүтүн үрдээһинин көрдөрүүтүн биир сүрүн биричиинэтинэн буолар.
«Сүрэх-тымыр ыарыыларын утары охсуһуу» нацбырайыагынан 2030 сылга диэри учуоттанан, инфарктан уонна инсультан киһи өлүүтүн көрдөрүүтүн аҕыйатар сыаллаах. Саха сиригэр быйыл бырайыагы олоххо киллэриигэ 48 мөл. солк. тахса үп-харчы көрүллүбүт. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Доруобуйа харыстабылын министиэристибэтэ бырайыак иһинэн араас тэрээһиннэри бигэргэттэ. Ол курдук, биир сүрүн тэрээһининэн ааһан эрэр сылга сыл устата иккиһин сүрэх-тымыр ыарыыларыгар сүһүрбэтэх ыарыһах ахсаанын элбэтиигэ профилактическай үлэни ыытыы буолуоҕа. Эмчиттэр ордук болҕомтолорун миокард инфарктарын уонна сытыы инсульт ыарыыларын намтатыыга ууруохтара. Үрдүк технологиялаах көмөнү кэҥэтиинэн 65,8% ыарыһаҕы тромболизис эбэтэр бастакы сууккаҕа стентирование ньымаларынан эмтээһин ыытыллыаҕа, оттон 2030 сылга ити көрдөрүү 95,1% тиийэрэ былааннанар. Инсульт ыарыыны эмтиир аныгы ньымалары киллэрии эмиэ улахан суолталаах.
Бырагыраама ыарыһахтары босхо эминэн хааччыйыыны эмиэ мэктиэлиир. Билигин үрдүк кутталлаах эбэтэр эпэрээссийэҕэ ыытыллыбыт ыарыһахтар бүддьүөт суотугар босхо эминэн хааччыллалар. Ону таһынан Саха сиригэр сүрэх-тымыр ыарыылаах ыарыһахтарга анаан маршруттарын тиһигэ оҥоһулунна. Холобур, оройуоннартан ыарыһахтар «ТелеЭКГ» көмөтүнэн эбэтэр Сүрэх-тымыр киинин исписэлиистэрин кытта консультациялар кэннэ суһаллык киин куорат анал кииннэригэр киирэллэр.
«Бастатан туран, «Сүрэх-тымыр ыарыыларын утары охсуһуу» федеральнай бырайыак чэрчитинэн ылыллыбыт дьаһаллар көмөлөрүнэн мэдиссиинэ көмөтө тиийимтиэ, хаачыстыбалаах уонна аныгы технологиялаах буолла», — диэн Доруобуйа харыстабылын министиэристибэтигэр бэлиэтииллэр.
РФ Аҕа дойдуну көмүскээччи, СӨ Ийэ дойдуну көмүскээччи, Кэбээйи улууһугар Аҕа дойдуга бэриниилээх буолуу, Сииттэ…
Ньурба улууһугар быйыл СӨ Быыһыыр сулууспатын водолазтарын этэрээтин филиала аһыллыаҕа. Бу туһунан «Актуальное интервью» биэриигэ…
Олунньу 12 күнүгэр Мииринэй оройуонугар СӨ Бырабыыталыстыбатын отчуотун кэмигэр СӨ Бырабыыталыстыбатын Бэрэссэдээтэлин солбуйааччы Ольга Балабкина…
Саха сериаллара саха дьонугар-сэргэтигэр номнуо олус суолталаах буолбуттара. «Саха» НКИХ сериалларын сулууспата тэриллибитэ номнуо биэс…
Семен Павлов хантараагынан байыаннай дьайыыга сулууспалыан иннинэ суолу тутууга кылаабынай мэхээнньигинэн үлэлээбитэ. Дьиэтигэр эргиллэн кэлэн…
Үрдүк таһымнаах үлэһит ханнык баҕарар хампаанньаны хамсатааччынан буолар. Ол да иһин, АЛРОСА бэйэтин улахан хамаандатын…