Хаартыска: sakha.gov.ru ылылынна
Саха сирин Доруобуйа харыстабылыгар министиэристибэтэ иһитиннэрбитинэн, инфаркт, инсульт, сүрэхтэрин эпэрээссийэлэппит үрдүк кардиоваскулярнай ыарыһахтарга 2025 сылга 48 мөл тахса солк. көрүлүннэ.
Сыл саҕаланыаҕыттан уопсайа 16,2 мөл солк. суумаҕа 4763 ырысыап сурулунна. Чэпчэтиилээх ырысыабы “Льготное лекарственное обеспечение” тиһик нөҥүө суруйтараллар.
Тустаах бырагыраама РФ Бэрэсидьиэнэ Владимир Путин көҕүлээбит “Уһун уонна көхтөөх олох” национальнай бырайыак “Сүрэх-тымыр ыарыыларын утары” эрэгийиэннээҕи бырайыак чэрчитинэн үлэлиир.
“Бырагыраама тустаах ыарыыларынан салгыы амбулаторияҕа эмтэниэхтээх дьоҥҥо туһуланар”, — диэтэ СӨ Доруобуйа харыстабылын министиэристибэтин Нэһилиэнньэҕэ мэдиссиинэ көмөтүн тэрийиигэ департаменын кылаабынай исписэлииһэ Анастасия Эверстова.
Онон Саха сиригэр анал эрэгийиэннээҕи регистр тэриллибит. Манна хайы-үйэ өйөбүл көрүллүбүт федеральнай чэпчэтиинэн туһанааччылар хапсыбаттар. Бу бырагырааманан босхо эминэн хааччыллыы икки сыл ыытыллар, диагноз турбут эбэтэр эпэрээссийэ кэнниттэн.
2025 сыл муус устар 1 күнүнээҕи туругунан 4680 киһи бу регистргэ киирбит.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…