2023 сыл от ыйыгар Саха сиригэр 980 оҕо күн сирин көрбүт: 504 – уол уонна 476 – кыыс. Кинилэр бары Ил Дархан Айсен Николаев бигэргэппит “Сүүс сыл оҕолоро” тус сыаллаах хапытал үбүн ылыахтара.
Ил Дархан өрөспүүбүлүкэ 100 сылыгар төрөөбүт оҕолорго бэриллэр “Сүүс сыл оҕолорун” хапытаалын биэриини өссө 5 сылга уһатта. Ол иһин хапытаал 2022 сыл тохсунньу 1 күнүттэн 2027 сыл ахсынньы 31 күнүгэр диэри кэмҥэ төрөөбүт эбэтэр иитэ ылыллыбыт оҕолорго барыларыгар бэриллэр.
Тус сыаллаах хапытаал суумата (индексация учуоттанан) 105 тыһыынча солкуобайга тэҥнэһэр.
Хапытаалы ордук элбэхтик олорор дьиэни тупсарарга (4 327 сайабылыанньа) эбэтэр тырааныспар атыылаһарга (1 343 сайабылыанньа) туһаналлар.
35 ыал хапытаал үбүн оҕо аатыгар бааҥҥа уурунууну арыйарга, 34 ыал – тус хаһаайыстыбаны сайыннарарга, 22 ыал – оҕоҕо үрдүк технологиялаах мэдиссиинискэй көмөнү оҥорорго, 12 ыал – оҕо үөрэҕэр, 8 ыал – дойду иһигэр дьиэ кэргэнинэн сынньанарга туһаннылар.
2023 сылтан саҕалаан “Сүүс сыл оҕолоро” дьиэ кэргэн хапытаалын хайысхата “Олорор дьиэҕэ гааһы киллэрии” испииһэгинэн эбилиннэ. Билигин хапытаал үбүнэн гаас тэрилин атыылаһарга уонна бас билэр дьиэҕэр гааһы киллэрии үлэлэригэр туһаныахха сөп.
Айсен Николаев сорудаҕынан “Сүүс сыл оҕолоро” тус сыаллаах хапытаалы оҥорторуу уонна ылыы муҥутаан судургутуйда, онтон туһаныы эйгэтэ кэҥээтэ. Хапытаалы ыларга сайабалыанньа суруйар эбэтэр социальнай көмүскэл уорганнарыгар кэлэр наадата суох. Төрөппүттэр РФ гражданнара уонна өрөспүүбүлүкэ сиригэр-уотугар олороллоругар регистрациялаах буолуохтаахтар, ону таһынан оҕо төрөөбүтүн туһунан сибидиэтэлистибэ ЗАГС уорганнарыгар ылыахтаахтар.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…