Хаартыска: СӨ Ил Дарханын уонна Бырабыыталыстыбатын пресс-сулууспата.
2025 сыл саҕаланыытыгар өрөспүүбүлүкэҕэ таба иитэр хаһаайыстыбаларынан таба ахсаана 162 тыһыынча буолбут.
Арктика зонатыгар өрөспүүбүлүкэ судаарыстыбаннай бэлиитикэтин сүрүн хайысхаларын туһунан Ил Дархан Айсен Николаев стратегическай ыйааҕар 2030 сылга диэри Арктика эрэгийиэннэригэр олохтоох тыа хаһаайыстыбатын бородууксуйатын оҥорон таһаарыы икки төгүл үрдээһинин хааччыйар соругу туруорбута.
2020 сылтан таба 152 тыһыынча төбөнөн (6,5%) улаатта. Уопсайа өрөспүүбүлүкэҕэ 20 улууска таба иитиитинэн дьарыктанар 114 хаһаайыстыба баар. Саамай элбэх табаны Усуйаана (33 557 төбө), Анаабыр (21 306 төбө), Булуҥ (16 660 төбө), Муома (14 446 төбө), Эбээн-Бытантай (11 664 төбө) уонна Аллараа Халыма (10 303 төбө) улуустарыгар иитэллэр.
Өрөспүүбүлүкэҕэ саамай улахан табаны иитэр хаһаайыстыбанан Усуйаана улууһугар 21409 төбө «Таба-Яна» тыа хаһаайыстыбатын оҥорон таһаарар-племенной комплекса буолар. Онтон Анаабыр улууһун «Илья Спиридонов» МУП – 11667 төбө, Аллараа Халыма улууһа — «Турваургин» ТХПК — 9217 төбө, Өймөкөөн улууһун «Үчүгэй» АУо — 5502 төбө, Томпо улууһун «Томпо» ТХПК — 4502 төбө.
Өрөспүүбүлүкэ бүддьүөтүгэр баазалары, харааллары уонна күрүөлэри тутууга, эдэр сүөһүнү уонна табаны тиэйиигэ, табаһыттар наадаларыгар анаан вездеходтары уонна снегоходтары атыылаһыыга субсидия көрүллэр. Табатын ахсаанынан Саха сирэ үһүс миэстэҕэ сылдьар.
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…
Дьокуускайга тутулла турар Арктикатааҕы эпос, ускуустуба киинэ Саха сиригэр баар Олоҥхо дьиэлэрин сүрүннүүр киин буолуоҕа. …
От ыйа сайын үгэнэ, сайын оройо. Аан Алахчын хотун Ийэбит ыйа хайдах буолуой? Бэс ыйын…
Удачнай куорат борокуратуурата анаммыт накаастабыл кээмэйэ кыратынан сибээстээн, суут уурааҕын апелляция бэрээдэгинэн үҥүстэ. Ол уурааҕынан,…
Бүгүн Оһуокайбыт түһүлгэтигэр субуотунньуктаатыбыт. Мустуубут боппуруоһунан түмсүү сэбиэтэ Оһуокай ыһыаҕын тэрийиигэ сүбэлэстибит. Бастатан туран, Нерюнгрига…