Саха сиригэр табаһыттар норуоттар икки ардыларынааҕы чөмпүйэнээттэрэ ыытыллыаҕа
«Табаһыттар норуоттар икки ардыларынааҕы чөмпүйэнээттэрэ Арктика төрүт олохтоохторун култуураларын харыстыырга, төрүт үгэстэрин тарҕатарга суолталаах тэрээһининэн буолар. Бу сирдэргэ олорор омуктар уопуттарын, билиилэрин-көрүүлэрин учуоттаабакка эрэ социальнай-экэнэмиичэскэй сайдыыны олохтуур табыллыбат. Онон, чөмпүйэнээт хоту сир норуоттарын бииргэ ситимнииргэ көмө буолуо», — диэн Арктическай сэбиэт дуоһунастаахтарын кэмитиэтин бэрэссэдээтэлэ Николай Корчунов бэлиэтиир.
Чөмпүйэнээт иитинэн «Устойчивое развитие оленеводства в условиях глобальных перемен в Арктике» диэн норуоттар икки ардыларынааҕы кэмпириэнсийэ ыытыллыаҕа. Манна аан дойду табаһыттарын түмсүүтүн сэбиэтин бэрэссэдээтэлэ Сергей Харючи, Хоту сир, Сибиир уонна Уһук Илин аҕыйах ахсааннаах төрүт норуоттарын түмсүүтүн бэрэсидьиэнэ Григорий Ледков уо.д.а. кытталлара былааннанар.
Маны таһынан, «Аан дойду табаһыттара» түмсүү бырабылыанньатын мунньаҕа уонна «Уникальная Иенгра» этно-туристическай комплекс сүрэхтэниитэ буолуохтара.
Табаһыттар чөмпүйэнээттэрэ араас көрүҥнээх ыытыллыаҕа, ол иһигэр наартаны ойуу, аркааны быраҕыы, эстафета, табаны тутуу баар».
Сообщить об опечатке
Текст, который будет отправлен нашим редакторам: