Саха сиригэр тахсыбыт ойуур баһаардарын аҥаарын кэриэтэ умуруорулунна

Саха сиригэр бүтэһик сууккаҕа 56 ойуур баһаара умуруорулунна. Уот хаппыт уопсай иэнэ 173 688 га. Итиэннэ 3 саҥа ойуур баһаара (819 га) булулунна. Бу туһунан СӨ суһал ыстааба иһитиннэрэр.

Сарсыардаттан 68 ойуур баһаара баара бэлиэтэммит. Уот хаппыт уопсай иэнэ 243 205 га. Бу көрдөрүү ааспыт сууккатааҕыттан икки төгүл кыра.

Билиҥҥи туругунан уопсайа 203 тыһ.  га иэннээх сиринэн 38 баһаары умуруорууга үлэ ыытыллар. Онтон 10 тыһыынча га иэннээх 10 баһаар бохсуллубут.

Уоту утары үлэҕэ 1 360 киһи, 52 тиэхиньикэ үлэлииллэр.