Саха сиригэр Татарстан Өрөспүүбүлүкэтин дэлэгээссийэтэ кэллэ
СӨ Бырабыыталыстыбатын бэрэссэдээтэлин солбуйааччы Сергей Местников Татарстан Өрөспүүбүлүкэтин дэлэгээссийэтин кытта көрүстэ. Дэлэгээссийэни Татарстан Судаарыстыбаннай Сэбиэтин бэрэссэдээтэлин солбуйааччы Марат Ахметов салайан кэлбит.
Дэлэгээссийэ Ил Түмэн бэрэссэдээтэлин Алексей Еремеевы кытта көрсүһүү кэмигэр эрэгийиэннэр социальнай-экэнэмиичэскэй сайдыыларын сокуонунан хааччыйыы, тыл бэлиитикэтин, төрөөбүт тыллары сайыннарыы боппуруостарын тула кэпсэттилэр.
«Саха сирэ уонна Татарстан төрөөбүт тыллары сайыннарыыга уонна өйөөһүҥҥэ бииргэ үлэлэрин салгыахтара. Биһиги эрэгийиэннэрбитигэр тыл бэлиитикэтин сайыннарыыга үгүс үлэ ыытыллар», – диэн Сергей Местников бэлиэтээтэ.
Татарстан ыалдьыттара бүгүн Дьокуускайга үөрэх кыһаларыгар, «Саха» көрдөрөр-иһитиннэрэр хампаанньаҕа, ХИФУ-га сырыттылар.
Сообщить об опечатке
Текст, который будет отправлен нашим редакторам: