сахагов
Бүгүн Дьокуускайга Федеральнай Сабантуй чэрчитинэн Д.К.Сивцев-Суорун Омоллоон аатынан опера уонна балет судаарыстыбаннай тыйаатырыгар Татарстан Өрөспүүбүлүкэтин искусствотын маастардарын кэнсиэрэ көрөөччүлэри күүтэр.
Көрсүһүү кыттыылаахтарын Татарстан Өрөспүүбүлүкэтин премьер-миниистирин солбуйааччы, Татардар аан дойдутааҕы кэнгириэстэрин “Милли Шура” национальнай сэбиэтин бэрэссэдээтэлэ Василь Шайхразиев эҕэрдэлиэҕэ.
Кэнсиэр өрөспүүбүлүкэ Ырыа уонна үҥкүү судаарыстыбаннай ансаамбылын толоруутугар “Мы татары” вокальнай-хореографическай композициянан саҕаланыаҕа.
Кэнсиэркэ Татарстан Өрөспүүбүлүкэтин Ырыа уонна үҥкүү судаарыстыбаннай ансаамбыла, үтүөлээх артыыстар Илюса Хузина, Ильгиз Мухутдинов, Саха сирин аатырбыт импровизатор-хомусчута Василена Шарина, Алдан куораттан норуоттар уонна эрэгийиэннэр икки ардыларынааҕы вокальнай куонкурустарга кыайбыт Камила Халиуллина уонна да атын сцена маастардара кыттыахтара.
Сарсын, бэс ыйын 14 күнүгэр, 13.00 чаастан Татарстан уонна Саха сирин искусство маастардарын уона айар кэлэктииптэрин “Созвездие талантов на земле Олонхо” кэнсиэрэ Комсомол болуоссатыгар ыытыллыаҕа. Татарстан уонна Саха сирин айар кэлэктииптэрэ Култуура уонна сынньалаҥ пааркатыгар кыттыахтара.
Сабантуй – сааскы хонуу үлэтэ түмүктэниитигэр анаммыт татаардар национальнай бырааһынньыктара. 2001 сыллаахха бастакы федеральнай бэстибээл Саратовка буолбута. 2026 сылга Саха сириттэн эстэпиэтэни Омскай уобалас тутуоҕа. Бу үрдүк таһымнаах тэрээһин Татаардар аан дойдутааҕы кэнгириэстэринэн ыытыллар, тэрээһин ороскуотун кинилэр сүгэллэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/6538
Бэҕэһээ, от ыйын 30 күнүгэр, 112 нүөмэргэ Намсыырдыыр суол 39-40 км 59 саастаах эр киһи…
Норуот көҕүлээһинин өйүүр-өйдүүр, үбүлүүр бырагыраама үлэтэ киэҥ нэлэмэн Сахабыт сиригэр үгүс элбэх үтүө дьыаланы оҥорор.…
Чурапчы улууһугар 75 саастаах Анастасия Монастыреваны көрдүүр үлэ салҕанар. Бу туһунан СӨ Быыһыыр сулууспата иһитиннэрэр.…
Кытыан арҕаа дойдулартан саҕалаан араас сирдэргэ, илин эҥэргэ тиийэ биһирэнэр үүнээйи. Биир гектар бэс ойуура…
Бэҕэһээ, от ыйын 30 күнүгэр, Дьокуускайга Бүлүүлүүр суол 27-с уонна 28-с килэмиэтирдэрин икки ардыгар 1984…
"Охото и рыбалка в Якутии" телеграм-ханаалга ураты видео таҕыста. Дьон сайылыкка кэлэн омурҕанныы олорон өйдөөн…