Саха сиригэр технология урбааныгар 162 хампаанньа үлэлиир

2018 сылтан саҕалаан өрөспүүбүлүкэҕэ 19 муниципальнай ИТ-киин арыллыбыта. Билиҥҥи кэмҥэ Дьокуускайга технология эйгэтигэр урбааны сайыннарарга икки былаһаакка үлэлиир — «Саха сирэ» технопаарка уонна «Дьокуускай» IT-паарка.

Манна уопсайа 382 үлэһиттээх 162 хампаанньа баар. Биэс сыл иһигэр резиденнэр 5 млрд кэриҥэ солкуобай киллэрбиттэрэ бэлиэтэнэр.

Арассыыйа бэрэсидьиэнэ Владимир Путин Саха сирин экэниэмикэтин креативнай уонна инновационнай салаалар диэки салайбыта. Бэрэсидьиэн көҕүлээһининэн уонна федеральнай киин өйөбүлүнэн өрөспүүбүлүкэ айар индустрия сайдыытыгар Уһук Илиҥҥэ уонна дойду үрдүнэн инники күөҥҥэ сылдьар.