ЭКГ
Саха сиригэр мэдиссиинэ тэрилтэлэригэр теле-ЭКГ туһанылар буолуоҕуттан 79 аппарааты туруордулар уонна 12 тыһыынчаттан тахса чинчийии ыытылынна. Бу туһунан Доруобуйа харыстабылын миниистирэ Лена Афанасьева иһитиннэрдэ.
Бу технология ыарыһахтар сүрэхтэрин үлэтин тэйиччиттэн кэтээн көрөр кыаҕы биэрэр, онон Саха сирин сиригэр-уотугар олус суолталаах. «Теле-ЭКГ быраастарга ыарыыны суһаллык булалларыгар уонна пациены суһаллык эмтииргэ, түргэнник үтүөрдэргэ көмөлөһөр,» — диэтэ Лена Афанасьева.
Теле-ЭКГ көмөтүнэн быраастар киһи доруобуйатын уопсай туругун көрө-билэ олороллор. “Теле-ЭКГ туһаныы – бу мэдиссиинэ сайдыытыгар улахан хардыы. Цифровизация – доруобуйа харыстабылын кэлэр кэскилэ, онон маннык өҥөнү толору биэрэргэ дьулуһабыт”, — диэтэ миниистир.
Маннык технологияны туһаныы дойду Бэрэсидьиэнэ Владимир Путин көҕүлээбит “Доруобуйа харыстабыла” национальнай бырайыак көмөтүнэн ыытыллар. Саха сиригэр дьон-сэргэ доруобуйатын тупсарыыга дьоһун суолталаах хайысхалар олоххо киирэллэр. Сүрэх-тымыр ыарыыларын бохсуу – нацбырайыак тутаах бырагыраамаларыттан биирдэстэрэ.
СӨ Ил Дарханын уонна Бырабыыталыстыбатын пресс-сулууспата
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…