Саха сиригэр тиийинэн олоруу алын кээмэйэ 14,8 бырыһыанынан үрдээтэ

Саха сиригэр 2025 сыл тохсунньу 1 күнүттэн тиийинэн олоруу алын кээмэйэ 14,8 бырыһыанынан үрдээбит. Ити туһунан Үлэ уонна социальнай сайдыы министиэристибэтэ иһитиннэрэр.  

Тиийинэн олоруу алын кээмэйэ социальнай өйөбүл миэрэлэри аныырга туһаныллар. Маны таһынан, тиийинэн олоруу алын кээмэйигэр олоҕуран единэй босуобуйа, биэнсийэҕэ федеральнай уонна эрэгийиэннээҕи социальнай эбиликтэр, социальнай хантараак биирдиилээн хайысхаларын уонна социальнай өйөбүл атын кэккэ миэрэлэрин төлөбүрдэрэ көрүллэллэр.

Тиийинэн олоруу алын кээмэйэ үрдээн бу курдук буолбут.

Нэһилиэнньэҕэ биирдиилээн киһиэхэ:

Өрөспүүбүлүкэҕэ уопсай – 26 777 солк.

I зонаҕа – 31 329 солк.

II зонаҕа – 26 241 солк.

Үлэлиир киһиэхэ:

Өрөспүүбүлүкэҕэ уопсай – 29 187 солк.

I зонаҕа – 34 149 солк.

II зонаҕа – 28 603 солк.

Оҕолорго:

Өрөспүүбүлүкэҕэ уопсай – 25 974 солк.

I зонаҕа – 30 390 солк.

II зонаҕа – 25 455 солк.

Биэнсийэлээх дьоҥҥо:

Өрөспүүбүлүкэҕэ уопсай – 23 028 солк.

I зонаҕа – 26 943 солк.

II зонаҕа – 22 567 солк.

Социальнай өйөбүл миэрэлэр туһунан иһитиннэриини сиһилии 8-800-100-0001 нүөмэринэн ылыаххытын сөп.