Хаартыска: СИА
Уус Алдан Бороҕонугар Саха сирин үтүөлээх тириэньэрэ Серафим Татаринов аатынан чэпчэки атлетикаҕа өрөспүүбүлүкэтээҕи турнир аан бастакытын ыытыллыаҕа.
Тэрийээччилэр 200-тэн тахса спортсмен кыттарын күүтэллэр. «Тириэньэр Серафим Татаринов аатынан турниры аан бастакытын ыытабыт. Билиҥҥитэ 13 хамаанда сайаапкатын түһэрдэ. Баҕар кыттааччылар ахсааннара 200-тэн тахса киһи буолуо», — диэн күрэхтэһии кылаабынай судьуйата Иннокентий Колодезников кэпсээтэ. Күрэхтэһии олунньу 28 күнүгэр Николай Тарскай аатынан успуорт уораҕайыгар буолуоҕа. Турнирга саастарынан икки категорияҕа арахсан уолаттар уонна кыргыттар, ону таһынан эр дьон, дьахталлар уонна бэтэрээннэр кыттыыны ылыахтара.
Балаһыанньа быһыытынан, 2011 с.т. кыргыттар уонна уолаттар 60, 400 уонна 1000 миэтэрэ ыраахха сүүрүөхтэрэ. 2007-2010 с.т. эдэр атлеттар 60, 400 и 1500 миэтэрэҕэ киирсиэхтэрэ. Дьахталлар 60, 400 уонна 3000 м., эр дьон — 60, 800 уонна 3000 м. сүүрэллэр. Күрэхтэһиигэ 40- тан тахса саастаах бэтэрээннэр эр дьон — 3000 миэтэрэ, оттон дьахталлар (35 саастарыттан үөһэ) — 3000 миэтэрэ ыраахха сүүрүөхтэрэ. Турнирга оройуон успуордун управлениетыттан, Серафим Татаринов аймахтарыттан уонна иитиллээччилэриттэн, ону тэҥэ бииргэ үлэлээбит биир идэлээхтэриттэн бириистэр көрүллүбүттэр.
— Аҕа дойду сэриитигэр эһээбит сураҕа суох сүппүтэ. Аҕа дойду Улуу сэриитигэр кини кыттыытын туһунан хантан…
Ыраах Краснодартан төрүттээх Василий Камшилин Чурапчыттан сылдьар бииргэ үөрэммит кыыһын кытта ыал буолаат, кэргэнин дойдутугар…
Өлүөнэ өрүс мууһун хамсааһына Саха сирин кыраныыссатын аһарта. Бүгүн, ыам ыйын 4 күнүгэр, сарсыарда 10.00…
Ааспыт сууккаҕа Саха сиригэр 10 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Саха сирин сүүмэрдэммит хамаандатын боксера Михаил Прокопьев Кыайыы 80 сылыгар анаммыт Аҕа дойду Улуу сэриитин…
Дьааҥы оройуонугар үс ойуур баһаара турбута бэлиэтэммит, уопсай иэнэ - 51 га. Бу кэмҥэ уоту…