Хаартыска: sakha.gov.ru
Саха сирин Бырабыыталыстыбатын Бэрэссэдээтэлин солбуйааччы Анатолий Семенов «Новый дом» инбэлииттэргэ, тулаайахтарга уонна ыарахан туруктаах ыарыһах оҕолорго көмөлөһөр аһымал пуонда вице-бэрэсидьиэнэ Дмитрий Завгороднийы кытта көрүстэ.
Жатайга пуонда көмөтүнэн ураты«Точка будущего» уһулуччулаах үөрэх комплексын тутуута барар. 263 тыһ. кв. м. тахса иэннээх социальнай инфраструктуралаах эбийиэккэ оҕо уһуйаана, оскуола, успуорт уонна култуура комплекса, итиэннэ оҕолору иитэ ылбыт дьиэ кэргэттэргэ олорор дьиэ тутуллуоҕа.
Комплекс иһинэн оҕолор бэйэлэрин кыахтарын арыйарга үрдүк таһымнаах үөрэҕи ааһыахтара. Кинилэр манна айар дьоҕурдарын сайыннарыахтарын, успуорка, идэтийбит анал үөрэхтэри баһылыахтарын сөп. Оскуолаҕа доруобуйаларынан хааччахтаах оҕолорго доруобуйаларын тупсарыыга уонна үөрэҕи биэриигэ ураты болҕомто ууруллуоҕа. Онон оҕолор төһө кыалларынан социализацияланарга, саҥаҕа үөрэнэргэ, бэйэлэрин хаачыстыбаларын үрдэтиигэ чэпчэки буолуоҕа.
«Дмитрий Завгороднийы кытта сибээс ситимигэр холбооһун, эбийиэккэ киирэр суоллары тутуу уонна да атын боппуруостары дьүүллэстибит. Комплекс 2026 сыл балаҕан ыйыгар үлэҕэ киирэрэ былааннанар. Бу маннык таһымнаах тутуу дойду үрдүнэн иккис буолуоҕа, бастакы эбийиэк Иркутскай куоракка тутуллубутун бэлиэтиибин», — диэтэ Анатолий Семенов.
Жатайга «Точка будущего» аһыллыыта аныгы социальнай инфраструктураны сайыннарыыга көмөлөһүөҕэ, биһиги оҕолорбутугар уонна учууталларбытыгар ураты кыаҕы үөскэтиэҕэ.
Бу күннэргэ күн-дьыл туруга хайдаҕый? Өлөөн, Анаабыр, Булуҥ улуустарыгар кыралаан хаардыыр. Киин, соҕуруу, соҕуруулуу-арҕаа улуустарга…
Дьокуускайга 1-8 кылаас үөрэнээччилэригэр актированнай күн биллэрилиннэ. Бүгүн, ахсынньы 15 күнүгэр, Дьокуускайга 1-8 кылаас үөрэнээччилэригэр…
Айылҕа соһутар. Аллараа Халыма оройуонугар, Черскэйгэ, ардах түстэ. Бэҕэһээ киэһээ маннык устубуттара тиийэн кэллэ. Бэлиэтииллэринэн…
Бүгүн, ахсынньы 14 күнүгэр, аам даам тымныы күүһүрэн турдаҕына, Мэҥэ Хаҥалас күнүгэр аналлаах Оһуокайга ыччаттар…
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…