Хаартыска: Мария Васильева, ЯСИА.
2026 сыл бастакы ыйыгар Саха сиригэр 771 оҕо төрөөбүтүттэн 387 — уол, 384 — кыыс оҕо төрөөбүтүн туһунан Доруобуйа харыстабылын министиэристибэтэ иһитиннэрдэ.
Тохсунньуга уолаттарга ордук Александр, Арылхан, Лев, Тимофей, Эрсан ааты биэрдилэр, кыргыттарга — Аделина, Амелия, Кэрэли, Мия, София.
Уолаттар ааттарыгар Демид, Макар, Никан, Тамирлан, Уран курдук, кыргыттарга — Велина, Лаура, Юнона сэдэхтик көстөр ааттары биэрдилэр, диэн ЗАГС управлениета иһитиннэрэр.
Оҕо төрүөҕүттэн сокуоннай сааһын ситиэр диэри араас өйөбүлү оҥорорунан Уһук Илин уонна дойду эрэгийиэннэрин ортотугар Саха сирэ инники күөҥҥэ сылдьар. Ааспыт 2025 сылга 10317 оҕо күн сирин көрбүтүттэн, уола – 5270, кыыһа – 5047. 93 – игирэ оҕо.
«Ыччат дьиэ кэргэн элбэх оҕолонорун ситиһии — биһиги сүрүн сорукпут», — диэн бэлиэтээбитэ Ил Дархан Айсен Николаев.
Өрөспүүбүлүкэтээҕи «Дьиэ кэргэн» ийэ хапытаала 2025 сылтан саҕалаан үһүс оҕо төрөөтөҕүнэ эрэ буолбакка, төрдүс, бэһис, онтон кэлэр хас биирдии оҕоҕо көрүллүөҕэ. «Үйэ оҕолоро» тус сыаллаах бырагыраама 2027 сылга диэри уһатылынна. Эдэр дьон ыал буоллахтарына 50 000 солкуобай төлөбүр ылаллар. Элбэх оҕолоох ыаллар бары дьиэ уонна коммунальнай өҥөлөр төлөбүрдэригэр 30% чэпчэтиини ылаллар, оттон оҕолор оскуолаҕа босхо аһылыгынан хааччыллаллар, уопсастыбаннай транспорга уонна төлөбүрдээх кэллиэстэргэ үөрэнэллэригэр чэпчэтиинэн туһаналлар. Өрөспүүбүлүкэ бүддьүөтүттэн 2025 сылга оҕолоох дьиэ кэргэттэри өйүүргэ 5 миллиардтан тахса солкуобай көрүллүбүт.
Арассыыйа бэрэсидьиэнэ Владимир Путин дьиэ кэргэни, ийэ буолууну, оҕо сааһы өйөөһүҥҥэ улахан болҕомтотун уурар. Былырыын дойдуга Арассыыйа ыалларын дьылҕатыгар уонна олохторун хаачыстыбатыгар болҕомто ууруллубут «Дьиэ кэргэн» национальнай бырайыагы саҕалаабыта.
Сиһилии https://www.sakha.gov.ru/news/19683 сигэнэн ааҕыҥ.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…