Хаартыска: СИА.
Саха сиригэр ТОР тэриллиэҕиттэн ыла резиденнэр 134,3 млрд солк суумалаах инвестицияны олоххо киллэрдилэр, 10 429 үлэ миэстэтин тэрийдилэр.
“Инвестицияны тардыы уонна саҥа инвестиционнай бырайыактары олоххо киллэриигэ өйөбүлү оҥоруу Уһук Илини сайыннарыыга үлэ сүрүн хайысхатынан буолар”, диэн РФ Бырабыыталыстыбатын бэрэссэдээтэлин солбуйааччы — Уһук Илиҥҥи федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев өрүү бэлиэтиир.
«Якутия» уонна «Южная Якутия» ТОР-дар 76 резиденнээхтэр, былырыын манна 13 саҥа резидент эбиллибитэ. Бу кэскиллээх сайдыы территориялара инвестордары угуйар сыаллаахтар. Манна сир учаастактара бэриллэллэр, инфраструктураҕа, нолуокка чэпчэтиилэр уонна административнай чэпчэтиилэр көрүллэллэр. Бу барыта өрөспүүбүлүкэ социальнай-экэнэмиичэскэй сайдыытыгар олук уурар. Саха сиригэр Уһук Илиҥҥэ көрүллүбүт өйөбүллэр оҥоһуллаллар, инвестиция бырайыактара олоххо киирэллэр, саҥа тэрилтэлэр аһыллаллар, үлэ миэстэтэ тахсар.
Саха сирин соҕуруу өттүгэр Денисовскай уонна Инаглинскай хайа үлэтин производственнай кэмбинээтэ ситиһиилээхтик сайдаллар. Жатайскай верфь, «Саюри» оҕуруот аһын комплекса, «Үлэ Кыбаартала» айар индустрия технологическай паарката эмиэ сайдыы суолун тутуһан, өрөспүүбүлүкэни дорҕоонноохтук ааттаталлар. 2024 сыллаахха РФ Бырабыыталыстыбата Ленскэй уонна Мииринэй оройуоннарыгар Новоленскэй ТЭС тутуутун кыраныыссатын кэҥэтэн биэрбитэ. Тутуу 2028 сылга түмүктэниэхтээх. Бу бырайыак олоххо киирдэҕинэ, эрэгийиэҥҥэ 460 кэриҥэ үлэ миэстэтэ тахсыаҕа. Арассыыйаҕа ураты чэпчэтиилээх экономическай режимнээх кэскиллээх сайдыы территориялара РФ бэрэсидьиэнэ Владимир Путин көҕүлээһининэн оҥоһуллубуттара.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…