Хаартыскаҕа Андрей Сорокин түһэриитэ, СИА
Ил Дархан Айсен Николаев РФ доруобуйа харыстабылын министиэристибэтин ыстааты таһынан кылаабынай трансплантолога Сергей Готьены кытта көрүстэ.
Кинилэр өрөспүүбүлүкэҕэ трансплантологияны сайыннарыы боппуруоһун дьүүллэстилэр. Айсен Николаев Сергей Готье дойдуга трансплантологияны сайыннарыыга кылаатын бэлиэтээтэ.
Салгыы кини эрэгийиэҥҥэ трансплантологияны саҥа таһымҥа таһаарар кыах баарын эттэ. Маны таһынан, элбэх пациент өрөспүүбүлүкэ таһыгар барбакка, эмтэниини миэстэтигэр барыахтарын баҕаралларын иһитиннэрдэ.
—Ааспыт сыллардааҕы үлэни-хамнаһы оннунан хаалларар эрэ буолбакка, өрөспүүбүлүкэҕэ трансплантология бары өттүнэн сайдыытын хааччыйыы улахан суолталаах, — диэтэ Ил Дархан.
Сергей Готье салайар РФ доруобуйа харыстабылын министиэристибэтин В.И.Шумаков аатынан трансплантология уонна ускуустубаннай органнар Национальнай мэдиссиинискэй чинчийэр кииннэрэ мэтэдиичэскэй өйөбүлү оҥорорун таһынан, дойду бары эрэгийиэннэрин исписэлиистэрин үөрэтэр. 2009 сылтан саҕалаан академик уонна НМИЦ үлэһиттэрэ эрэгийиэҥҥэ үлэлэринэн сылдьаллар уонна кэллиэгэлэрин кытары трансплантационнай көмөнү оҥоруу кэскиллэрин туһунан дьүүллэһэллэр.
—-Трансплантологияны салгыы сайыннарарга СӨ доруобуйа харыстабылын министиэристибэтин кытта хас да боппуруоһу көрүөххэ наада. Быраастар квалификацияларын үрдэтииттэн саҕалаан, технологияны сайыннарыыга тиийэ. Оннуга суох трансплантацияны толору сайыннарыы кыаллыбат. Биһиги исписэлиистэри уочараттаах стажировкаҕа ыларга бэлэммит. Тоҕо диэтэххэ, трансплантология биир сиргэ турбат, итинэн дьарыктанар дьоннор кэнники ситиһиилэри, саҥаны, сонуну билэ-көрө олоруохтаахтар, — диир Сергей Готье.
Саха сиригэр 2001 сылтан аан бастаан бүөрү трансплантациялааһын саҕаламмытыгар, Саха сирин быраастарын күүһүнэн 140 уларытан, көһөрөн олордуу эпэрээссийэтэ оҥоһуллубута. Ол кэнниттэн тохтуу түһэн баран, быары трансплантациялааһын оҥоһуллубута, барыта 16 эпэрээссийэ оҥоһуллубут. 2018 сыллаахха эрэгийиэҥҥэ сүрэххэ итинник ыытыллыбыта.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Андрей Сорокин түһэриитэ, СИА
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…