Мария Васильева хаартыската, ЯСИА.
Үүмүт сылтан Саха сиригэр туристическай нолуок киирбитин туһунан СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды иһитиннэрдэ.
Нолуок бу сыл тохсунньу 1 күнүттэн Саха сирин кэккэ нэһилиэнньэлээх пууннарыгар киирдэ. Нолуок кээмэйинэн турист гостиницаҕа олорор сыанатын төлөбүрүттэн 1 %-на тутуллар, ол эрээри сууккаҕа 100 солк. итэҕэһэ суох буолар. 2026 сылтан нолуок ыстаапката 2%-ҥа диэри үрдүөҕэ, оттон 2029 сылга — 5%.
«Туристическай нолуок Дьокуускай уонна Өлүөхүмэ куораттарыгар, ону тэҥэ Хаҥалас, Нерюнгри, Аллайыаха уонна Усуйаана улуустарынан хас да нэһилиэнньэлээх пууннарыгар үлэлиир. Нолуогу киллэрэр туһунан быһаарыылары олохтоох дьокутааттар номнуо ылыммыттара», — диэтэ Тимур Ханды. Миниистир этэринэн, хомуллубут үп-харчы муниципальнай тэриллиилэри тупсарыыга, туризм инфраструктуратын сайыннарыыга, култуурунай тэрээһиннэри ыытыыга уонна айылҕа эбийиэктэрин харыстааһыҥҥа ыытыллыаҕа. Холобур, Дьокуускай куорат бүддьүөтүгэр нолуоктан 4 мөл. солк. үп-харчы хомуллан киирдэҕинэ, куорат эйгэтин уонна туристическай эбийиэктэри тупсарыыга ороскуоттанара былааннанар. Итини таһынан олохтоох дьаһалталар гражданнар сорох категорияларыгар нолуокка чэпчэтиилэри олохтуохтарын сөп: инбэлииттэргэ, элбэх оҕолоох ыалларга, байыаннай дьайыы бэтэрээннэригэр, о.д.а.
Ааспыт нэдиэлэ иһигэр өрөспүүбүлүкэ 6 олохтооҕо түөкүттэр албыннарыгар киирэн биэрэн, уопсайа 1 840 037 солкуобайы…
РФ Бэрэсидьиэнэ Владимир Путин Административнай кэһиилэр тустарынан кодексатыгар уларытыылары киллэрэр уонна байыаннай комиссариатка көспүтүн туһунан…
Судаарыстыбаннай Дуума дьокутаата Игорь Антропенко оскуолаларынан оҕолорго Сэбиэскэй кэминээҕи Саҥа дьыллааҕы остуоруйалары көрдөрөр туһунан этии…
Ас-үөл хаачыстыбатыгар уонна куттала суох буолуутугар Ил Дархан иһинэн координационнай сэбиэт мунньаҕар оскуолалары, уһуйааннары, социальнай…
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин…
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…