Мария Васильева. ЯСИА
Саха Өрөспүүбүлүкэтигэр туристическай инфраструктураны сайыннарыыга биир кэлим субсидияны биэриигэ сүүмэрдииллэр.
Бу дойду Бэрэсидьиэнэ Владимир Путин көҕүлээбит “Туризм уонна ыалдьытымсах буолуу” национальнай бырайыакка киирэр “Создание номерного фонда, инфраструктуры и новых точек притяжения” эрэгийиэннээҕи бырайыак чэрчитинэн ыытыллар.
Куонкурустаах сүүмэрдээһин “Электроннай бүддьүөт” федеральнай цифровой платформанан ыытыллар. Иккис түһүмэххэ үбүлээһин кээмэйэ – 5,3 мөл солкуобай. Сайаапканы алтынньы 3 күнүттэн сэтинньи 2 күнүгэр диэри ылаллар.
Бастакы түһүмэх балаҕан ыйыгар түмүктэммитэ. Онно 125 мөл солк. субсдия бэриллибитэ. Өрөспүүбүлүкэттэн 93 киһи кыттыбыта. Куонкурус хамыыһыйатын сыанабылын түмүгүнэн 43 бырайыак кыайыылаах буолбута, кинилэр 23 мөл солк. өйөбүлү ылыахтара.
Субсидияны ылыы хайысхалара: саҥа туристическай маршруттары оҥоруу, сынньалаҥ зонатын тэрийии, туристары аһатыыны, доруобуйаларынан хааччахтаах дьоҥҥо сылдьалларыгар усулуобуйаны тэрийии. Ону тэҥэ электроннай сирдьити, мобильнай сыһыарыыны уонна аудиогиды оҥоруу бырайыактарын үбүлээһин көрүллэр.
Министиэристибэ “Туризм уонна ыалдьытымсах буолуу” национальнай бырайыак эрэгийиэҥҥэ туризм салаатын сайыннарарын бэлиэтиир.
Быйыл Покровскайдыыр аартыкка Илья Гаврильев туристическай комплексын федеральнай бырагыраама көмөтүнэн арыйбытын холобурдууллар.
“Доҕорум модульнай дьиэлэри тутууга үбүлээһин көрүллэрин туһунан докумуону ыыппыта. Мин бырайыагы оҥорон, сайаапкабын биэрбитим. Иккис сырыыбар субсидияны бигэргэппиттэрэ. Өйөбүлэ суох икки эрэ дьиэни тутуо этибит, оттон федеральнай кыттыгас үбүнэн – биэһи”, — диир урбаанньыт.
Тутууга 7,2 мл солк. бэйэ үбэ уонна итиччэ федеральнай үп туһаныллыбыт. Турбаазаҕа ититиилээх биэс дьиэлээх. Бу уһун болдьохтоох бырайыак 5-тэн уон сылга диэри бэйэтин ороскуотун сабыаҕа.
sakha.gov.ru
Мария Васильева, ЯСИА
Сиһилии: https://www.sakha.gov.ru/news/14200
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…