Хаартыска -- Мария Васильева /СИА
Саха сиригэр вермикулиты туһанан каркастаах дьиэ технологиятынан тутуу бырайыагын олоххо киллэрэргэ былаанныыллар.
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов өрөспүүбүлүкэҕэ оҥорон таһаарар тутуу матырыйаалын көдьүүстээхтик туһаныыга дьүүллэһии мунньаҕын ыытта.
Көрсүһүү кэмигэр тутуу матырыйаалын оҥорон таһаарар саамай бөдөҥ «Сивер бөлөх» салайааччыта Александр Прищеп Саха сирин соҕуруу өттүнээҕи территориятыгар Алдан оройуонугар эрэгийэҥҥэ соҕотох, Арассыыйаҕа биир кэскиллээх вермикулит хостонор сирэ баарын бэлиэтээтэ. Кини тутуу бу матырыйаалын туһунан холобурдары аҕалан билиһиннэрдэ.
Вермикулит истиэнэни, муостаны, дьиэ өһүөтүн ититиигэ, бетону оҥорууга, дьиэ истиэнэтин сыбыырга туттуллар. Саха сиригэр вермикулиттан бородууксуйаны оҥорон таһаарыыны сайыннарар инниттэн “Якутия“ уруутаан сайдыы территориятыгар производственнай учаастагы тутуу соруга турар.
«Бу кэскиллээх инвестиция бырайыага өрөспүүбүлүкэҕэ олоххо киирэр кыахтаах. Олохтоох уонна өрөспүүбүлүкэ бүддьүөтүгэр эбии нолуок киириитин үрдэтиэҕэ, үлэ миэстэтин элбэтиэҕэ», – диэн бэлиэтээтэ Дьулустан Борисов.
Мунньахха “Уһук Илин уонна Арктика сайдыытын корпорацията” эригийиэннэри кытта үлэни салайар Вячеслав Маппаров, «ЯкутПНИИС» АК генеральнай дириэктэрэ Василий Ефимов, «Восток» ХЭУо генеральнай дириэктэрэ Дмитрий Ходжер кытыннылар.
Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрдэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…