Саха сиригэр тутууга саҥа рекорд олохтонуо

Бу туһунан бүгүн Ил Дархан Айсен Николаев Ил Түмэҥҥэ туһаайан этиитигэр иһитиннэрдэ.

—Быйыл тутуу үлэтигэр, төһө да араас уустуктар баалларын иһин, саҥа рекорд олохтоноро күүтүллэр, — диэтэ Ил Дархан. Ол курдук, сыл түмүгүнэн барыта 800 тыһ.кв.м. иэннээх олорор дьиэ үлэҕэ киллэриллиэ.

Дьиэни-уоту тутууга национальнай бырайыак иитинэн 2025 сылга дьиэни-уоту тутуу былаана 690 тыһ. кв. м кээмэйинэн олохтоммута. Ол иһигэр 330 тыһ. кв.м. дьон-сэргэ олорор дьиэтин уонна 360 тыһ. кв.м. кэтэх дьиэни тутууга.

Санатан эттэххэ, 2024 с. бүтүүтүгэр Саха сиригэр номнуо рекорднай көрдөрүү ситиһиллибитэ. Ол курдук, 752 тыһ.кв.м. олорор дьиэ тутуллубута, бу эрэгийиэн историятыгар биир бастыҥ түмүгүнэн буолбута.

Кэнники уон сылга өрөспүүбүлүкэҕэ уопсайа 6,5 мөл. кв. м олорор дьиэ тутуллубута. Саха сирэ Уһук Илиҥҥэ эрэгийиэннэр ортолоругар олорор дьиэни-уоту тутан киллэриигэ үс бастыҥнар ахсааннарыгар эрэллээхтик киирэр. Бу тутуу салаатын сайдыытын бигэтин көрдөрөр диэн СӨ Ил Дарханын уонна Бырабыыталыстыбатын пресс-сулууспата иһитиннэрэр.

Сиһилии: https://www.sakha.gov.ru/news/17684

Андрей Сорокин хаартыскаҕа түһэриитэ, ЯСИА