Хаартыска: СИА
Үөрэх уонна билим министиэристибэтэ Саха сиригэр Оҕо саас сылын чэрчитинэн айымньылаахтык үлэлиир оҕо уһуйааннарын кэлэктииптэрин ортолоругар «Тыа сирин бастыҥ уһуйаана-2024» кэтэхтэн ыытыллар күрэҕи биллэрдэ.
Күрэххэ саамай элбэх баалы ылбыт оҕо уһуйаана тэрийэр кэмитиэт аатыгар сайаапка биэрэн, күрэх кыайыылааҕынан буолар кыахтаах. Кыайыылаахтар кырааматаларынан уонна сыаналаах бэлэхтэринэн наҕараадалыахтара уонна эбии номинацияларынан бэлиэтиэхтэрэ. Бу туһунан Үөрэх уонна билим министиэристибэтин иитиигэ уонна эбии үөрэхтээһиҥҥэ салаатын Александра Дьяконова иһитиннэрэр:
— Атырдьах ыйын 15 күнүгэр диэри кыттыан баҕалаах уһуйааннартан сайаапка, докумуон хомуллар, ол кэннэ бу ый бүтүөр диэри уһуйааннар саайтарын толорон биэриэхтэрэ, туһааннаах докумуоннарын угуохтара. Бастыҥ уһуйааны үс хайысханан быһаарыахтара: федеральнай үөрэх бырагырааматын олоххо киллэрии, бастыҥ коррекционнай үлэни ыытыы, саха тылын сайыннарыы.
Куонкурус сыл ахсын ыытыллар, уратыта диэн балаһыанньа быһыытынан урут кыайбыт уһуйааннар кыттыбаттар, ол курдук саҥаттан саҥа уһуйаан бэйэтин көрдөрөрүгэр ураты кыах бэриллэр. Балаҕан ыйын 1-15 күннэригэр анал хамыыһыйа үлэлиэҕэ, оттон кыайыылаахтары балаҕан ыйын 27 күнүгэр, Иитээччи күнүгэр, биллэриэхпит.
Саха сиригэр устудьуоннар оҥорбут спутниктара -- "Чолбон" аппараат космоска тахсан, бастакы сигналын биэрдэ, баарын биллэрдэ.…
Бэҕэһээ социальнай ситимнэринэн Дьокуускай куорат ЯКСМК оройуонугар "пробкаҕа" тохтоон турар массыынаттан эр киһи тахсан, илиитигэр…
Ахсынньы 29 күнүгэр Хаандыга бөһүөлэгэр Томпотооҕу "Светлячок" социальнай реабилитационнай киин оҕолоругар Ил Түмэн дьокутаата Виктор…
Бүгүн сарсыарда "Бүлүү" федеральнай суол 764-с килэмиэтиригэр дьон эчэйиилээх массыына саахала буолла диэн СӨ Быыһыыр…
Соторутааҕыта Ил Дархан Айсен Николаев Кириэмил дыбарыаһыгар “Баҕа санаа харыйата” тэрээһиҥҥэ кыттыыны ылбыта. Бу туһунан…