Хаартыска: видеоттан скрин
Бу күннэргэ социальнай ситимнэринэн дьулаан көстүүлээх видео тарҕанна. Тыатааҕы хара тыаҕа муҥур тойон буолан, ынахха саба түспүт.
Видеоҕа сүөһү сүтүктээхтэр тыатааҕы ынах хара хаанын таһааран, улаханнык хайа тарпыт бааһыттан уҥуоҕа чорбойон көстөрүн устубуттар. Видеоҕа устааччы эр киһи «Эчи кутталын» диэн кэмэнтээрийдээн биэрэр. Бу сүөһүнү хаһаайыттар муҥ-сор көрбөтүн туһугар өлөрбүттэрэ буолуо диэн сабаҕалыыллар.
Бу иннинэ соторутааҕыта Ленскэй олохтоохторо социальнай ситимнэринэн икки хагдаҥ эһэлэр куорат уулуссаларыгар бэйдиэ барбыттарын туһунан видео тарҕаппыттара. Өссө биир түгэн туһунан сонун булчуттар бөлөхтөрүн ТГ-ханаалыгар тахсыбыта. От үлэтин кэмигэр хагдаҥ эһэ икки ыт баарын үрдүнэн отчуттар ходуһаларыгар куттаммакка «ыалдьыттаабыт».
Ити курдук, кэнники ыйдарга Саха сиригэр тыатааҕы нэһилиэктэн дьонтон куттаммакка чугас сылдьара, ону ааһа баран бөһүөлэк киинигэр киирэр түгэнэ элбээтэ. Адьырҕа кыыла билигин ойуур баһаардарыттан куотан, чугас нэһилиэк аттыгар тахсыан эбэтэр нэһилиэк киинигэр кииириэн сөп. Онон ойуур баһаара үгэннээн турар кэмигэр ордук сэрэхтээх буоларгыт ирдэнэр. Билигин сир аһа буһан, сотору кэминэн тэллэй үүннэҕинэ айылҕа кыыллара төттөрү бэйэлэрин сирдэригэр барыахтара диэн сабаҕаланар.
Уус Алдан улууһун Кэптэнитигэр “Хаарбах туруктаах дьиэттэн көһөрүү" бырагырааманан саҥа таас дьиэ үлэҕэ киирдэ. Бу…
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…