Саха сиригэр түөрт улуус баһылыгын таллылар

Быыбар биир кэлим күнүгэр өрөспүүбүлүкэҕэ түөрт улуус баһылыгын таллылар. Кыайыыны сүрүннээн «Биир ньыгыл Арассыыйа» баартыйа хандьыдааттара ситистилэр. Бу туһунан ЦИК иһитиннэрэр.

Уус Алдан улууһугар баһылык быыбарыгар  «Биир ньыгыл Арассыыйа» баартыйаттан турбут Василий Алексеев  кыайда. Уус Алдаҥҥа 7 хандьыдаат турбута, олортон 1 «Саҥа дьон» баартыйаттан, 6 – бэйэлэрэ туруоруммуттар.

Хаҥалас улууһугар барыта  6 хандьыдаат турбута, онтон «Биир ньыгыл Арассыыйа», «Сиэрдээх Арассыыйа – Арассыыйа патриоттара – Кырдьык иһин», «Родина» баартыйалартан уонна КПРФ-н, ЛДПР-н биирдии уонна биир бэйэтэ туруоруммут киһи. Бэйэ туруорунуута, «Мохсоҕоллоохтооҕу килиэп собуотун» генеральнай дириэктэрэ Сергей Гребнев 51.55 %  куолаһы ылан, инники таҕыста.

Өлөөн улууһугар Иван Саввинов баһылык буолла. Өлөөҥҥө 4 киһи турбута, онтон «Биир ньыгыл Арассыыйа» баартыйаттан биир уоннааҕылар бэйэлэрэ туруоруммут дьон.

Сунтаар улууһун баһылыгар элбэх куолаһы ылан «Биир ньыгыл Арассыыйа» баартыйаттан турбут Анатолий Григорьев кыайыыны ситистэ. Сунтаар улууһугар баһылыкка 3 хандьыдаат турбута, онтон «Биир ньыгыл Арассыыйа» уонна «Саҥа дьон» баартыйалартан биирдии киһи уонна биир бэйэтэ туруоруммут киһи.