Хаартыска: Хаҥалас улууһун дьаһалтатын пресс-сулууспата
Тыгын Дархан пааматынньыга постаменын кытта 4 миэтэрэ 30 см үрдүктээх.
Бүгүн Хаҥалас улууһугар ытык Куллаты сиригэр устуоруйаҕа киирбит сүҥкэн дьоҥҥо – Тыгын Дархаҥҥа, ону тэҥэ Хаҥалас аҕа ууһун тэнитээччилэригэр Маһары Бозековка, Софрон Сырановка уонна Илья Шадриҥҥа пааматынньыктары арыйыы сиэрэ-туома буолла. Бу туһунан оройуон пресс-сулууспата иһитиннэрэр.
Мемориальнай комплекс бырайыагын Покровскайдааҕы оҕо художественнай оскуолатын преподавателэ Алексей Андреев оҥорбут. Монуменнары арт-бетонтан тимир каркааска оҥорбуттар, хотугу килиимэккэ сөп түбэһэр кыраасканан соппуттар. Тыгын Дархан пааматынньыгын үрдүгэ олоҕун кытта 4 миэтэрэ 30 см үрдүктээх.
Эркээни хочотугар күн тахсар сириттэн, илин өттүттэн киириигэ, ыалдьыттары ытык Хаҥалас сиригэр бэйэтин ахсым атыгар олорон Тыгын Дархан көрсөрүн курдук, комплекс ааптардара дириҥник толкуйдаабыттар.
Биир подиумҥа кини иннигэр сыдьааннара Маһары Бозеков, Софрон Сыранова уонна Илья Шадрин мөссүөннэрэ туруоруллубуттар. Кинилэр бары бииргэ көлүөнэлэр ситимнэрин кэрэһилииллэр.
Хаҥалас улууһун баһылыга Сергей Гребнев маннык эттэ:
“Хаҥалас улууһугар төрүт ааты төнүннэрии уонна биһиги улуу өбүгэлэрбитигэр пааматынньыктары арыйыы духуобунай өттүнэн чөлүгэр түһүүнү, норуоттар сомоҕолоһууларын көрдөрөр. Бу пааматынньыктар биһиги сирбитин-уоппутун киэргэтэллэрин таһынан өйдөбүнньүк уонна махтал, күүстээх санаа бэлиэтинэн буолуохтара”.
Үөрүүлээх тэрээһиҥҥэ Ил Түмэн бэрэссэдээтэлин солбуйааччы Афанасий Владимиров, дьокутааттар оройуоннааҕы сэбиэттэрин бэрэссэдээтэлэ Анатолий Антонов, кыраайы үөрэтээччилэр, уопсастыбаннас сырыттылар.
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…