Хаартыска: www.sakha.gov.ru/
Ил Дархан Айсен Николаев быһаарыытынан, өрөспүүбүлүкэҕэ судаарыстыбаннай уонна официальнай тыллары чөл хаалларыы, сайыннарыы судаарыстыбаннай бырагырааматын 2023 сылга үбүлээһинэ 100 мөл. солк. диэри улааппыта.
Судаарыстыбаннай бырагыраама туолуутун Ил Дархан салайыытынан үлэлиир тыллары сайыннарар сэбиэт мунньаҕар көрдүлэр.
Атыттары сэргэ, саха тылыгар сертификация киинин тэрийии, “Төрүт тыллар” төрөөбүт тыллары үөрэтэр платформата, «ilken.news» омук тылларыгар тылбаастаах аҕыйах ахсааннаах хотугу омуктар тылларынан норуоттар икки ардыларынааҕы сонун портала, тыллары үөрэтэр сыһыарыылар курдук бырайыактар бааллар.
Өрөспүүбүлүкэ судаарыстыбаннай уонна официальнай тылларын интерактивнай түмэлигэр судаарыстыбаннай уонна официальнай тылларынан таһаарыылары (контент) үөрэтэр электроннай бибилэтиэкэ тэриллэр.
“Саха” НКИХ оҕолорго аналлаах биэриилэри, өрөспүүбүлүкэ норуоттарын култуураларыгар уонна үгэстэригэр төрөөбүт тылынан сыыппара анимационнай киинэлэрин оҥорууга үлэтэ салҕанар.
Ону тэҥэ, диалектология, социолингвистика уонна топонимика эспэдииссийэлэрэ, хотугу төрүт олохтоох аҕыйах ахсааннаах норуоттар тылларын кэтээн көрүү, нуучча тылыгар нучнай-чинчийэр үлэлэр ыытыллаллар.
Аудио сыһыарыылаах «Сказки Русского Устья-2» ойуулаах хомуурунньук, салааларынан тиэрмин тылдьыттара, «Русско-якутский юридический словарь: термины уголовного права и процесса» тылдьыт, «Словарь топонимов республики: населенные пункты, районы, улусы, наслеги» (нууччалыы), уо.д.а. тылдьыттар, ыйынньыктар, үөрэтэр-мэтэдиичэскэй босуобуйалар, социальнай суолталаах литэрэтиирэ тахсаллар.
Өрөспүүбүлүкэ судаарыстыбаннай уонна официальнай тылларын тарҕатыыга туһаайыллыбыт бырайыактары өйүүргэ Ил Дархан граннара туттарыллыахтара.
Мунньахха Хаҥалас улууһа “Саха Өрөспүүбүлүкэтигэр тыллар туһунан” Сокуоҥҥа сөп түбэһиннэрэн, тэрилтэлэр ааттарын ыйар суруктаах дуоскалары (вывески), иһитиннэрэр суруктары, географическай эбийиэктэр ааттарын суруйуу, ону тэҥэ, улуус эбийиэктэрин географическай ааттарын каталогын бэлэмнээһиннэрин туһунан уопутуттан үллэһиннилэр.
Бырабыыталыстыба бэрэссэдээтэлин солбуйааччы Сергей Местников ырытыһыы кэнниттэн, быйылгы сылга судаарыстыбаннай бырагыраама көрдөрүктэрин (индикатор) ситиһэргэ сөбүлэҥ түһэрсии үлэтин ыйыллыбыт болдьоххо түмүктүүллэригэр эттэ.
Былырыын судаарыстыбаннай бырагырааманы үбүлээһин 56,6 мөл. солк. тэҥнэспитэ, 38 бырайыак олоххо киирбитэ.
Ил Дархан уонна Бырабыыталыстыба пресс-сулууспата.
Саха сиригэр байыаннай дьайыы кыттылаахтарыгар уонна кинилэр дьиэ кэргэттэригэр психологическай көмөнү оҥоруу үлэтэ салҕанар. Ааспыт нэдиэлэҕэ…
Дмитрий Петров аатынан Ытык Күөл 2 №-дээх оскуолата сахалартан соҕотох Албан Аат Уордьанын толору кавалера…
Алтынньы 17-18 күннэригэр РФ Бэрэсидьиэнин иһинэн норуот хаһаайыстыбатын уонна судаарыстыбаннай сулууспа Арассыыйатааҕы академиятын (РАНХиГС) устудьуоннара…
Дьокуускайга Стадухин аатынан уулуссаҕа 14 саастаах уолу кырбаабыт 45 саастаах эр киһиэхэ холуобунай дьыала тэрилиннэ.…
Алтынньы 18 күнүгэр Саха Өрөспүүбүлүкэтин Ил Дархана Айсен Николаев уонна СӨ Судаарыстыбаннай Мунньаҕын (Ил Түмэн)…
Ааспыт нэдиэлэттэн Арассыыйа үрдүнэн ордук үрүҥ ас сыаната үрдээтэ. Алтынньы 8-14 күннэригэр дойдуга сыана хайдах…