Хаартыска -- СӨ Аҕа баһылыгын уонна Бырабыыталыстыбатын пресс-сулууспата
СӨ Бырабыыталыстыбатын Бэрэссэдээтэлин солбуйааччы Сергей Местников судаарыстыбаннай уонна официальнай тылларга анаммыт судаарыстыбаннай бырагыраама олоххо киириитигэр туһуламмыт мунньаҕы ыытта.
СӨ Аҕа баһылыгын уонна Бырабыыталыстыбатын пресс-сулууспата иһитиннэрбитинэн, бу докумуоҥҥа олоҕуран Ил Дархан быһаарыытынан 2023 сылга үбүлээһин кээмэйэ 100 мөлүйүөн солкуобайга диэри үрдэтиллибитэ.
— Төрөөбүт тылы харыстааһыҥҥа уонна сайыннарыыга ылыллыбыт бырагыраама үһүс сылын үлэлиир. Урукку сылларга биир бырайыагы олоххо киллэриигэ – учебниктары бэлэмнээн таһаарыыга 50 мөлүйүөн солкуобайы барыыр эбит буоллахпытына, билигин биир кэмҥэ 50 араас бырайыагы олоххо киллэрэбит. Кэлэр сылга саҥа соруктары туруоран, бу үлэҕэ 101 мөлүйүөн солкуобай үбүлээһин көрүлүннэ, — диэн бэлиэтээтэ Сергей Местников.
“Саха” НКИХ ханаалыгар сыл бүтэһигэр ахсынньыга 20 сиэрийэлээх «Айтал уонна Аптаах күүс» диэн оҕо ойуулугун көрдөрүөхтэрэ. Кырачааннарга анаан «Тооку» ойуулук эбии 10 сиэрийэтэ оҥоһулла сылдьар. Маны таһынан, «Төрүт тыллар» диэн тылы үөрэтии уонна «ilken.news» норуоттар икки ардыларынааҕы аҕыйах ахсааннаах норуоттар тылларынан омук тылыгар тылбаастаммыт сонун ханааллара аһыллан үлэлиэхтэрэ.
Санаттахха, Саха сиринээҕи наука академиятыгар өрөспүүбүлүкэҕэ төрүт тылы үөрэтиигэ туһаайыллыбыт киин тэриллэн үлэлиир.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…