Хаартыска: Биоресурсалар дирекцията
Саха сиригэр «Большая кембрийская тропа» эспэдииссийэ Хаҥалас улууһугар Өлүөнэ эбэ хаҥас салаатын, Сиинэ өрүс аллараа сүүрүгүн быһыттарын үөрэтиэ. Палеонтологтар таастыйбыт сөҥүүлэргэ кислород изотопнай састаабын ырытарга анаан хайа боруодаларын холобурдарын ыллылар, диэн Саха сирин биологическай ресурсаларын, ураты харыстанар айылҕа сирдэрин-уоттарын уонна айылҕа пааркаларын дирекциятыгар иһитиннэрдилэр.
Учуонай-палеонтолог Юлия Шувалова бэлиэтииринэн, Өлүөнэ эбэ орто сүүрүгүн сирэ-уота былыргы олох архыыбын харыстаан хаалларбыт.
«Кембрийскай байҕал таастыйбыт сөҥүүлэрэ Өлүөнэ эбэ бассейнын холобур буолар быһыттарыгар олус үчүгэйдик харыстаммыттар. 20 мөл. сыл кэриҥэ иһигэр, кембрийскай кэм саҕаланыаҕыттан (ол аата 540 мөл. сыл анараа өттүттэн), Сиргэ биллэр харамайдар бары кэриэтэ көрүҥнэрэ үөскээбиттэр, олор үгүстэрэ бүгүҥҥү күҥҥэ диэри тиийэн кэлбиттэр.
Бу харамайдар үгүстэрэ чуолаан Саха сирин сириттэн-уотуттан үөскээн, аан дойдуга тилийэ тарҕаммыттар», — диэн палеонтолог кэпсиир.
«Большая кембрийская тропа» эспэдииссийэни Биоресурсалар дирекцията РАН А.А. Борисяк аатынан Палеонтологическай институтун кытта холбоһон тэрийдэ. Чинчийии таһынан эспэдииссийэ кыттыылаахтара экологическай суол кэрэ көстүүлээх сирдэрин панорамнай устуутун оҥордулар.
«Бу устуу көмөтүнэн биһиги маршрут кэрэ көстүүлэрин уонна айылҕа пааматынньыктарын эбийиэктэрин 3D-панорамаҕа илэ-бодо көрдөрүөхпүт, ол чугастааҕы кэмҥэ биһиги официальнай саайпытыгар тахсыаҕа. Инникитин биһиги Саха сирин ураты харыстанар айылҕа сирдэрин-уоттарын туристическай суолларынан виртуальнай турдары оҥорор санаалаахпыт, оччоҕо баҕалаах киһи барыта ол сирдэри кытта билсиэҕэ», — диэн Биоресурсалар дирекциятын туризмҥа салаатын начаалынньыга Алексей Иванов кэпсээтэ.
Илиҥҥи экэнэмиичэскэй пуорум официальнай саайтыгар дьыалабыай бырагыраамата бэчээттэннэ. Бу пуорум балаҕан ыйын 3-6 күннэригэр Владивостокка…
Бу сыл саҕаланыаҕыттан Саха сиригэр 2300-тэн тахса көрүүтэ-харайыыта суох бэйдиэ сылдьар ыты туттулар. Өссө 100-тэн…
Таатта улууһугар 26 саастаах итирик дьахтар массыына күрэппит. Уоруйах дьахтар айаннаан иһэн тутуллубут. Сарсыардааҥы аһылыгын…
Хас да практикант кыыһы өлөрөрүнэн куттаабытын иһин 51 саастаах сэбиэдиссэйи 100 чаас үлэнэн буруйдаабыттар. Бу…
Дьокуускайдааҕы үөрэх управлениетын начаалынньыга Мария Петрова бүгүн 20, 18 уонна 27 №-дээх оскуолаларга мэдиссиинэ кэбиниэттэрин…
Уус Алдан улууһугар «Швейный патриот» бырайыак кыттыылаахтара байыаннай дьайыы байыастарыттан киирбит сайаапканан икки хонук иһигэр…