Хаартыска: ЯСИА
Ил Түмэҥҥэ Саха сирин Идэлээх сойуустарын Федерацията учууталларга олорор дьиэлэринэн ититии уонна уот төлөбүрүгэр толуйууну хос ааҕарга (индексациялыырга) сокуон барылын оҥорон киллэрдэ.
Докумуоҥҥа быһааран этиллэринэн, бу толуйуу кээмэйэ олох-дьаһах, хомунаалынай өҥө сыанатын (тарыып) таһыма үрдээһинин батыһа индексацияламматаҕа бэлиэтэнэр. Ол курдук, 2014 сылтан 2022 сылга диэри олорор дьиэнэн ититии уонна уот төлөбүрэ үрдээбитэ бэлиэтэнэр, ону кытта 2014 сылтан саҕалаан үрдээһин орто көрдөрүүтэ 66,3% тэҥнэспит.
Санаттахха, 2020 сыл ахсынньы 29 күнүнээҕи Саха сирин Бырабыыталыстыбатын 435 №-дээх уурааҕынан 2021 сыл тохсунньу 9 күнүнээҕи 459 №-дээх уураах күүһүн сүтэрбитэ уонна тыа сирин нэһилиэнньэлээх пууннарыгар, оробуочай бөһүөлэктэргэ (куораттыы тииптээх бөһүөлэктэргэ) олорор уонна үлэлиир педагогическэй үлэһиттэр, үөрэх тэрилтэлэрин салайааччылара, кинилэр солбуйааччылара, үөрэх тэрилтэлэрин салааларын салайааччылара уонна кинилэр солбуйааччылара олорор дьиэлэринэн ититии уонна уот төлөбүрүгэр толуйууну ылар саҥа бэрээдэгэ, кээмэйэ уонна усулуобуйата бигэргэммитэ. Толуйуу кээмэйэ ыйга 1200 солкуобай диэн олохтоммута. Ону кытта Саха сирин судаарыстыбаннай бүддьүөтүн суотугар төлөнөр диэн быһаарыллыбыта.
Ол кэмтэн толуйуу кээмэйэ уларыйбакка турар. Итинэн сибээстээн, Саха сирин Идэлээх сойуустарын Федерацията толуйуу кээмэйин 1995,6 солкуобайга диэри үрдэтэргэ уонна олох-дьаһах, хомунаалынай өҥө сыаната (тарыып) үрдээһинин таһымынан сыллата хос ааҕарга (индексациялыырга) этии киллэрдэ.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…