Хаартыскаҕа Андрей Сорокин түһэриитэ
Премьер-миниистир Кирилл Бычков салайааччылаах СӨ Бырабыыталыстыбатын уочараттаах мунньаҕар «Учуутал туһунан» үлэлиир сокуоҥҥа уларытыылары киллэрэр сокуон барыла биһирэнэн, Ил Түмэҥҥэ ыытылынна.
Бу көҕүлээһин быраап күөмчүлээһинин туоратар уонна эрэгийиэн бары педагогтарыгар тэҥ усулуобуйаны хааччыйар сыаллаах. Сүрүн саҥардыынан сокуоҥҥа көрүллүбүт бары мэктиэлэри, ол иһигэр идэҕэ ситиһиилэрин, учуонай истиэпэннэрин уонна бочуоттаах ааттарын иһин эбии төлөбүрдэри, судаарыстыбаннай дуу, муниципальнай дуу оскуолаҕа үлэлииллэриттэн тутулуга суох бары учууталларга тарҕаныа. Урут маннык өйөбүл дьаһаллара судаарыстыбаннай үөрэх тэрилтэлэрин педагогтарыгар эрэ бэриллэллэрэ.
«Учууталлар ханна баҕарар — өрөспүүбүлүкэ эбэтэр муниципальнай таһымнаах оскуолаҕа буоллун, биир ураты суолталаах судаарыстыбаннай соругу толороллор. Ол иһин өйөбүл бары дьаһаллара биир тэҥ буолуохтаахтар. Биһиги быраап күөмчүлээһинин туоратан, систиэмэни ордук кырдьыктаах уонна өйдөнүмтүө оҥоробут», — диэн СӨ премьер-миниистирэ Кирилл Бычков бэлиэтээтэ.
Ону таһынан, сокуон барыла учууталлары көмүскүүр эбии дьаһаллары киллэрэр, ол иһигэр чааһынай олоххо орооһуллубат быраабы, ону тэҥэ үөҕүүттэн, кэнийииттэн көмүүскүүр.
Былаас уорганнара уонна оскуола дьаһалталара бу бырааптары олоххо киллэрэргэ бары усулуобуйаны хааччыйыахтаахтар. Эбии төлөбүрдэри аныыр бэрээдэк судургутуйар: билигин төлөбүр кээмэйин бырабыыталыстыба быһаарыаҕа, бу төлөбүрдэри сокуоҥҥа уларытыы киллэрбэккэ эрэ, түргэнник индексациялыырга уонна билиҥҥи усулуобуйаҕа сөп түбэһиннэрэргэ кыах биэриэҕэ.
Мунньахха ону тэҥэ атын да суолталаах боппуруостар ырытылыннылар, ол иһигэр бүддьүөттэр ыккардыларынааҕы сыһыан, үлэ миэстэтин кубуоталааһын, итиинэн хааччыйар тэрилтэлэри субсидиялааһын бэрээдэгэр уларытыылар тустарынан сокуон барыллара, элбэх кыбартыыралаах дьиэлэри хапытаалынай өрөмүөннээһин бырагыраамата, кэргэн буолууну үөрүүлээх быһыыга-майгыга регистрациялыыр ЗАГС-тар испииһэктэрин чуолкайдааһын, ону тэҥэ тыа хаһаайыстыбатын өйөбүлүгэр, министиэристибэлэр үлэлэригэр уонна судаарыстыбаннай өҥөнү оҥорууга сыһыаннаах нуормалыыр-быраап аахталарыгар көннөрүүлэр.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…