Саха сиригэр уһуйааччы институтун сокуонунан бигэргэттилэр

Ил Түмэн XII (уочараттаах) пленарнай мунньаҕар норуот дьокутааттара педагогическай үлэһиттэр сорох статустарын бигэргэтэр туһунан сокуон барылын бастакы ааҕыыга ылыннылар.

Сокуон барылынан педагогическай үлэһиттэр профессиональнай этикаларын, квалификацияларын үрдэтэр уонна быыстала суох профессиональнай үөрэхтээһиҥҥэ, эдэр исписэлиистэри социальнай өйөөһүҥҥэ туһуламмыт дьаһаллар балаһыанньалара бигэргэнэллэр, ону тэҥэ үөрэх тэрилтэлэригэр уһуйуу институтун олохтуур.

«Педагог идэтэ биир саамай сүдү уонна социальнай суолталаах. Учуутал үлэтинэн дойду инники кэскилин түстүүр. Сокуон барыла учууталлар социальнай өйөбүллэрин мэктиэлиир, ол иһигэр педагогическай үлэһиттэр социальнай статустарын үрдэтэр», — диэн парламент Ил Түмэн Билимҥэ уонна үөрэххэ бастайааннай кэмитиэтин бэрэссэдээтэлэ Антонина Григорьева иһитиннэрдэ. Сокуон 2026 с. тохсунньу 1 күнүттэн олоххо киириэҕэ. Үбүлээһинэ судаарыстыбаннай бырагырааманан көрүллэр.