Ил Дархан уонна Бырабыыталыстыба дьаһалтатын пресс-сулууспатын хаартыската.
Саха сирин үгүс оройуоннарыгар оттук сезона бу нэдиэлэҕэ түмүктэниэҕэ. Онуоха оттук сезона +8С кыраадыс 5 күн устата турбутун кэнниттэн тохтотуллуохтаах. Бу туһунан СӨ ОДьКХ министиэристибэтин пресс-сулууспатыгар иһитиннэрдилэр.
Дьокуускай куорат административнай дьиэлэригэр уонна таас дьиэ пуондатыгар оттук сезона ыам ыйын 23 күнүгэр, оттон мас дьиэ пуондатыгар уонна социальнай эбийиэктэргэ бэс ыйын 1 күнүгэр түмүктэнэрэ былааннанар.
Сарсын, ыам ыйын 21 күнүгэр, Чурапчы улууһугар ититиини биэриини тохтотуохтара. Ыам ыйын 22 күнүттэн оттук сезона Амма, Нам, Уус Алдан, Таатта, Мэҥэ Хаҥалас улуустарыгар түмүктэниэҕэ.
Ыам ыйын 23 күнүгэр Томпо улууһугар, ыам ыйын 25 күнүгэр Ньурба уонна Сунтаар улуустарыгар, ыам ыйын 26 күнүгэр Бүлүү, Горнай, Томмот улуустарыгар, ыам ыйын 27 күнүгэр Үөһээ Бүлүү уонна Кэбээйи улуустарыгар түмүктэниэҕэ.
Саха сирин Арктика оройуоннарыгар оттук сезона бэс ыйын саҥатыгар түмүктэнэрэ күүтүллэр, чуолаан бэс ыйын 18-19 күннэригэр уонна Аллайыаха улууһугар оттук сезона бэс ыйын 23 күнүгэр тохтуоҕа. Булуҥҥа оттук сезона сылы эргиччи ааһыаҕа.
Манна Өлүөхүмэ улууһун нэһилиэнньэлээх пууннарыгар оттук сезона салгыы ыытыллара бэлиэтэнэр.
Санатахха, оттук сезонун түмүктүүр туһунан быһаарыыны муниципальнай тэриллиилэр бэйэлэрэ ылыналлар.
Бүтүн Арассыыйатааҕы "Родители онлайн" пуорумҥа кыттыы -- улахан чиэс... Өссө төрөппүт быһыытынан! Оҕону - төрөппүт…
Тыйыс тымныылаах, хахсаат тыаллаах Саха сиригэр ордук кыстыкка киирии үгүс кыһалҕалаах буолар. Тыал, сиик, онтон…
Дьуһуурунай борокуруор иһитиннэрбитинэн, ааспыт суукка устата эрэгийиэҥҥэ буруйу оҥоруу биэс түгэнэ бэлиэтэммит. Бу дьыалаларынан бэрэбиэркэлэр…
Айылҕаттан айдарыылаах айар куттаах худуоһунньуктар тыа сиригэр үгүстэр. Биир оннук, нууччалыы эттэххэ, “самородок” худуоһунньугунан Хаҥалас…
Быйыл Саха сирин үрдүнэн биллиилээх судаарыстыбаннай уонна бэлитиичэскэй диэйэтэл Степан Аржаков төрөөбүтэ 125 сылын бэлиэтээтибит.…
Москваҕа Муора кэллиэгийэтин Арктикаҕа РФ национальнай интэриэстэрин көмүскүүр Сэбиэтин бастакы мунньаҕа буолан ааста. Арктикаҕа РФ…