Хаартыска: www.sakha.gov.ru
Ил Дархан Айсен Николаев Дьокуускайга үрдүө үөрэх кыһаларын ардыларыгар кампуһу тэрийэр боппуруостарга сүбэ мунньаҕы ыытта.
Ил Дархан федеральнай бырагырааманан университет хампаанньаларын тиһигэр киирэргэ үлэни түргэтэтэргэ сорудахтаата. Айсен Николаав Саха сиригэр бу улахан суолталаах бырайыак буоларын бэлиэтээтэ.
Кини Арассыыйа Бэрэсидьиэнэ Владимир Путин федеральнай мунньахха туһаайан этиитигэр дойдуга 40 кампустаах аан дойду таһымнаах кампустары тэрийии бырагырааматын үбүн-харчытын 2030 сылга диэри 400 млрд. солк. суумаҕа улаатыннарарга сорудахтаабытын санатта. 2021-2022 сылларга бастакы 17 бырайыак олоххо киллэриитэ быһаарылынна. Билигин Саха сирин Бырабыыталыстыбата аныгыскы куонкуруска бэлэмнэнэр, ол түмүгүнэн 8 бырайыактар бигэргэтиллиэхтэрэ.
«Саха сиригэр Бэрэсидьиэн Владимир Владимирович Путин сырыытын кэмигэр Дьокуускайга үрдүө үөрэх кыһаларын ардыларыгар кампуһу тэрийии бырайыагын билиһиннэрбитим. Бу бүгүн өрөспүүбүлүкэ иннигэр биир саамай улахан суолталаах соруктарыттан биирдэстэрэ. Биһиги кампуспут олус ураты буолуоҕа, итиннэ саарбахтааһын суох. Кампуһу тэрийиигэ өрөспүүбүлүкэ бары барыстара учоуттаныахтара, ол курдук сиртэн хостуур салаа уонна креативнай индустрия күүстэрэ. Технологическай урбааҥҥа туһуламмыт саҥа университет тэриллэрэ былааннанар», — диэн Саха сирин баһылыга бэлиэтээтэ.
Айсен Николаев этэринэн, бу күннэргэ «Үлэ кыбартаалыгар» үрдүк үөрэх кыһалара, научнай уопсастыбалар, индустриальнай партнердар уонна урбаан бэрэстэбиитэллэрэ кыттыылаах кластер концепциятын бырайыагын стратегическай сиэссийэтэ ыытыллар. Манна этиллибит этиилэр сайаапканы бэлэмнээһиҥҥэ учуоттаныахтара. Бырайыагынан үөрэтэр- лабораторнай дьиэлэри, социальнай уонна успуорт-аралдьытар эбийиэктэрэ, ону тэҥэ устудьуоннарга уонна преподавателлэргэ олорор дьиэ комплексын тутуута көрүллүбүтэ. Бырайыагы олоххо киллэрии «Наука уонна университет» национальнай бырайыак научнай чинчийиилэргэ уонна кадрдары бэлэмнээһиҥҥэ инфраструктураны сайыннарыы федеральнай бырайыак чэрчитинэн концессионнай бииргэ үлэлээһин быһыытынан барыаҕа. Бырайыак 60%-нын федеральнай грант көмөтүнэн оҥоһуллуон сөп. Куонкуруһу дойду Бырабыыталыстыбата быйылгы сыл бүтүөр диэри ыытар былааннаах.
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…
Эдэриттэн эмэнигэр тиийэ саҥа сылы кытта хайаан даҕаны үтүө, кэрэ кэлиэҕэ, эһиил быйылгытааҕар өссө ордук…
Кистэл буолбатах, үгүстэргэ “мин билэр буоллум да, киһи барыта билиэхтээх” диэн өйдөбүл иҥэн хаалбыт. Билбэтин…
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…