Василий Кононов (Ил Түмэн) хаартыската
Ил Түмэн 43-с уочараттаах пленарнай мунньаҕар «Саха Өрөспүүбүлүкэтин сиригэр-уотугар уоҕа суох өйү-санааны өрүкүтэр утах бытархай атыытыгар бобууну олохтуур туһунан» СӨ сокуонун күүһүн сүтэрбитинэн билинэр туһунан» сокуон бырайыагын көрдүлэр.
Үөһэ ыйыллыбыт сокуон РФ арыгы туһунан сокуонугар сөп түбэһиннэрэн, итиэннэ СӨ Борокуратууратын 2022 сыл балаҕан ыйын 9 күнүнээҕи Исорг-73-7045-22/10663-20980001 №-дээх ирдэбилин толорор инниттэн ырытыллан оҥоһулунна диэн Ил Түмэн урбааҥҥа, туризмҥа уонна инфраструктураны сайыннарыыга сис кэмитиэтин бэрэссэдээтэлэ Игорь Григорьев бэлиэтээтэ.
Ол курдук, «Саха Өрөспүүбүлүкэтин сиригэр-уотугар уоҕа суох арыгылаах өйү-санааны өрүкүтэр утах бытархай атыытыгар бобууну олохтуур туһунан» 2015 сыл алтынньы 14 күнүнээҕи 1507-С 571-V №-дээх Саха Өрөспүүбүлүкэтин Сокуонун 3 ыстатыйатыгар сөп түбэһиннэрэн, Саха Өрөспүүбүлүкэтин сиригэр-уотугар уоҕа суох арыгылаах өйү-санааны өрүкүтэр утах бытархай атыытыгар бобуу олохтонор.
«Этиловай испиири, арыгылаах уонна испиирдээх бородууксуйаны оҥорон таһаарыыны уонна атыылааһыны судаарыстыбаннай сүрүннээһин уонна арыгы бородууксуйатын туттууну (иһиини) хааччахтааһын туһунан» Федеральнай сокуоҥҥа уонна Россия Федерациятын тустаах сокуон суолталаах аактарыгар уларытыылары киллэрэр туһунан» 2017 сыл от ыйын 29 күнүнээҕи 278-ФС №-дээх Федеральнай сокуонунан 171-ФС №-дээх Федеральнай сокуоҥҥа, 11 ыстатыйатыгар 2018 сыл тохсунньу 1 күнүттэн күүһүгэр киирбит 8 пууну эбэн туран, уларытыылар киллэриллибиттэрэ.
Тустаах сокуон балаһыанньатыгар олоҕуран, өйү-санааны өрүкүтэр бэссэстибэлээх бэлэм бородууксуйа кэриҥин 15 % аҕыйах этиловай испиирдээх арыгы бородууксуйатын оҥорон таһаарыы уонна (эбэтэр) атыылааһын, атыылаһыы бобуллар; өйү-санааны өрүкүтэр бэссэстибэ (компонент) испииһэгин РФ Бырабыыталыстыбатыттан боломуочуйалаах толорор былаас федеральнай уоргана олохтуур.
Сокуон барылыгар ыйыллыбытынан, өйү-санааны өрүкүтэр бэссэстибэлээх (компоненнаах) бэлэм бородууксуйа кэриҥин 15 % аҕыйах этиловай испиирдээх арыгы бородууксуйата диэн быһаарыыга уоҕа суох арыгылаах өйү-санааны өрүкүтэр утахтар эмиэ түбэһэллэр. Маныаха ыйыллыбыт арыгы бородууксуйатын атыылааһыны, атыылаһыыны бобуу дойду сиригэр-уотугар уоҕа суох арыгылаах өйү-санааны өрүкүтэр утах бытархай атыытыгар эмиэ тарҕанар. Инньэ гынан, өйү-санааны өрүкүтэр бэссэстибэлээх (компоненнаах) бэлэм бородууксуйа кэриҥин 15 % аҕыйах этиловай испиирдээх арыгы бородууксуйатын атыылааһыны, атыылаһыыны бобуу 171-ФС №-дээх Федеральнай сокуонунан олохтонор.
Ил Түмэн дьокутааттара кэмитиэт көрдөһүүтүнэн, сокуону бүтэһик ааҕыыга ылыннылар.
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…