Хаартыска: pxhere.com/ru/photo
2024 сыл тохсунньу 1 күнүттэн, Саха Өрөспүүбүлүкэтин киллэрэн туран, Арассыыйаҕа барытыгар уокка дифференцированнай тарыып үлэлиир.
Бу курдук систиэмэ номнуо дойду 70-тан тахса субъегар туһаныллар итиэннэ үс сүрүн сорудаҕы быһаарар: нэһилиэнньэ ортотугар уоту кэмчилээн туһаныы култууратын олохсутар, биисинэскэ хардарыта субсидиялааһын (перекрёстное субсидирование) ноҕуруускатын намтатар, уоту олохтон-дьаһахтан ураты туһаныы түгэннэрин булар. Бу туһунан “Якутия24” ханаал “Актуальное интервью” биэриитигэр быһа эпииргэ эрэгийиэн сыанаҕа бэлиитикэтин судаарыстыбаннай кэмитиэтин бэрэссэдээтэлэ Николай Бочков кэпсээтэ.
“Манна аан дойдуга барытыгар курдук быраабылата биир. Төһөнөн элбэхтик туһанаҕын, соччонон элбэҕи төлүүгүн. Арассыыйаҕа уоту туһаныы үс сүрүн диапазона үлэлиир. Өскөтүн саамай тарҕаммыт тарыыбы эттэххэ, тыа сиригэр күн бүгүн – 7,05 солк. Бу чэпчэтиилээх тарыып хардарыта субсидиялааһын (перекрестное субсидироваие) сууматынан чэпчээн турар. Иккис диапазон 7,66 солк. төлүүр, ол эбэтэр, 61 кэпиэйкэнэн элбэх – хардарыта субсидиялааһыны учуоттаабакка экэнэмиичэскэй өттүнэн олохтоох тарыып. Үһүс диапазон хардарыта субсидиялааһыны учуоттаан, юридическай сирэй төлүүрүн саҕа кээмэйгэ тэҥ кэриэтэ тарыыбы төлүүр” – диэн Николай Бочков бэлиэтиир.
Хардарыта субсидиялааһыҥҥа нэһилиэнньэҕэ көрүллэр чэпчэтии өлүүтүн биисинэс төлүүр. “Хардарыта субсидиялааһын мэхэньииһимэ элбэх эйгэҕэ туһаныллар. Уот тарыыбыгар эрэ буолбакка, тырааныспар комплексыгар, хомунаалынай эйгэҕэ эмиэ. Өскөтүн экэнэмиичэскэй өттүнэн олохтоох тарыып, холобур, 8 солк. буоллаҕына, нэһилиэнньэ чэпчэтиилээх тарыыбынан (7 солк.) төлүүрүн туһугар, ситэ төлөммөтөҕү ким эрэ толорон биэриэхтээх. Тустаах түгэҥҥэ биисинэс төлүүр. Онон урбаанньыттар ыктараллар. Бу экэнэмиичэскэй өттүнэн ылан көрдөххө, охсуулаах” – диэн сыана бэлиитикэтин судаарыстыбаннай кэмитиэтин бэрэссэдээтэлэ быһаарар.
Түмүккэ Николай Бочков уоту туһаныыны төлүүргэ икки сүрүн түгэни учуоттуур – кыаҕы сөпкө туһанар уонна счетчик көрдөрүүтүн кэмигэр ыытар ирдэнэрин өссө төгүл санатта.
Бу туһунан Ил Дархан уонна Бырабыыталыстыба пресс-сулууспата суруйар. Сиһилии манна ааҕыҥ.
Олунньу 21 күнүгэр Саха Өрөспүүбүлүкэтин Судаарыстыбаннай Үүнэр көлүөнэ тыйаатыра байыаннай дьайыы кыттыылаахтарын хорсун быһыыларын үйэтитэр…
Бүгүн Креативнай индустрия кэллиэһигэр Аҕа дойду тас өттүгэр ытык иэстэрин толорбут интернационалист буойуттар күннэригэр уонна…
РИА-Новости иһитиннэрэринэн, Санкт-Петербург куоракка эбсийээнэ уоспатынан ыалдьыы икки түбэлтэтэ бэлиэтэммит. Уобаластааҕы Роспотребнадзор чахчыларынан, Таиланд Королевствотыттан…
ИДьМ Чурапчытааҕы салаатын дьуһуурунай чааһыгар түөкүннээһиҥҥэ түбэспит киһиттэн сайабылыанньа киирбит. Ол курдук эр киһи саппаас…
Билигин бырааска тэйиччиттэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…