Саха сиригэр уон баһаар тахсыбыта бэлиэтэммит

Саха сиригэр ааспыт сууккаҕа, муус устар 27 күнүгэр, уон баһаар тахсыбыта регистрацияламмыт.

Өлбүт уонна эмсэҕэлээбит дьон суох, диэн Саха сиринээҕи ЫБММ сулууспата иһитиннэрэр.

Нерюнгри оройуонугар уонна Мииринэйгэ туһаныллыбат дьиэлэр умайбыттар. Мииринэйгэ баһаарынайдар даача учаастагар уоту умуруорбуттар.

Нам оройуонун Кириэстээҕэр уонна Дьааҥы оройуонун Боронугар икки чааһынай дьиэ умайбыт. Баһаарынайдар уот салгыы тэнийэрин тохтоппуттар. Дьокуускайга кээпэрэтиип гараастара умайбыт. Аммаҕа трансформаторнай подстанцияҕа умайбыт. Ленскэйгэ уонна Усуйаана оройуонун Депутатскай куоратыгар олорор дьиэлэргэ уот турбутун умуруорбуттар.