Саха сиригэр уон ыйга тоҕус тыһыынчаттан тахса оҕо төрөөтө
02.11.2022, 18:00
Бөлөххө киир:
Быйыл Саха сиригэр уон ыйга 9,5 тыһыынчаттан тахса оҕо төрөөтө.
Алтынньыга 1007 оҕо күн сирин көрдө: 504 уол уонна 503 кыыс.
СӨ Ил Дархана Айсен Николаев Ийэ сылынан биллэрбит сылын уон ыйыгар 9 558 кырачаан күн сирин көрдө. Итинтэн 4 919 уол уонна 4 639 кыыс.
ЗАГС Управлениетыттан иһитиннэрбиттэринэн, алтынньы ыйга төрөппүттэр кырачаан уолчааннарыгар ордук Артём, Лев, Александр, Максим, Михаил, Дамир, Тимур, Марк уонна Владислав диэн ааттары сөбүлээн туран биэрбиттэр.
Оттон ааспыт ыйга сибидиэтэлистибэлэрин ылалларыгар маннык сэдэх уонна ураты ааттар бааллара бэлиэтммит: Адриан, Ганис, Гордей, Дауд, Лео, Рюрик, Самуэль, Фрол, Энтони.
Эмиэ ити ыйга кыргыттарын ордук элбэхтик София, Мия, Аделина, Виктория, Ева уонна Алиса диэн таптаан ааттаабыттара биллэр.
Оттон сэдэх, ураты ааттарынан – Аполлинария, Арли, Бибисолиха, Веселина, Дия, Киана, Луна, Малина, Сиана, Хэвва диэн буолбуттар.
Андрей Сорокин (СИА) хаартыскаҕа түһэриитэ.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: