Саха сиригэр уопсастыбаннай миэстэлэри тэрийиигэ миллиард солк. кэриҥэ харчыны ыыттылар

2024 сылга 31 уопсастыбаннай сири-уоту тупсарыыга миллиард солкуобайы ыыппыттар.

Бу туһунан Саха сирин бастакы вице-премьера Дмитрий Садовников иһитиннэрдэ. Үлэ дойду Бэрэсидьиэнэ Владимир Путин көҕүлээбит «Олорор дьиэ уонна куорат эйгэтэ» национальнай бырайыак «Куорат тупсаҕай эйгэтин тэрийии» бырагыраама чэрчитинэн ыытыллар.

Кини этэринэн, 31 бырайыактан 19-һа федеральнай субсидия үбүнэн-харчынан олоххо киирэр, 12-тэ кыракый куораттарга уонна историческай дэриэбинэлэргэ тупсаҕай куорат эйгэтин тэрийии бастыҥ бырайыактар Бүтүн Арассыыйатааҕы куонкурустарыгар кыайыыларынан.

«Икки хайысханан үбүлээһин уопсай кээмэйэ 942 мөл. солк. тэҥнэһэр, федеральнай бүддьүөттэн 820 мөл. солк.,  8 мөл. тахса өрөспүүбүлүкэ бүддьүөтүттэн, 113 мөл. тахса мөл. тахса муниципальнай бүддьүөттэн», — диэн иһитиннэрдэ Дмитрий Садовников.