Быйыл тохсунньу 1 күнүттэн успуорка үрдүк көрдөрүүнү ситиспит спортсменнары уонна тириэньэрдэри өйүүр өрөспүүбүлүкэтээҕи көмө бэрээдэгэ саҥардылынна.
Спортивнай ситиһиилэри өйөөһүнү, чуолаан оҕо уонна ыччат успуордугар кэҥэтэр соругу Ил Дархан Айсен Николаев ааспыт сыллааҕы Анал этиитигэр эппитэ.
Кэҥэтиллибит испииһэккэ 18 саастарыттан үөһээ ыччаттар ортолоругар, күүстээх спортсменнар икки ардыларыгар Бүтүн Арассыыйатааҕы спартакиадаҕа, «Азия оҕолоро» норуоттар икки ардыларынааҕы спортивнай оонньууларга уонна ыччат олимпийскай оонньууларыгар күрэхтэһиилэр киирдилэр. Биир кэмнээх көмө төлөбүрү Саха сиригэр төрөөбүт эбэтэр өрөспүүбүлүкэҕэ бастайааннай олорор регистрациялаах спортсменнар уонна кинилэр тириэньэрдэрэ ылыахтарын сөп.
Ону тэҥэ маннык төлөбүрү успуордунан бииргэ бэлэмнэнии туһунан дуогабар түһэрсибит спортсменнар ылыахтара.
Бириэмийэ биир кэлим халандаарынай былааҥҥа киирбит эрэгийиэннэр икки ардыларынааҕы, бүтүн Арассыыйатааҕы, норуоттар икки ардыларынааҕы физкультурнай уонна спортивнай тэрээһиннэргэ, успуорт көрүҥнэригэр Саха сиригэр үлэлиир судаарыстыбаннай аккредитацияны ааспыт спортивнай федерациялаах уһулуччу көрдөрүүлээх спортсменнарга ананар.
Биир кэмнээх бириэмийэ кээмэйэ араастаах. Холобур, «Азия оҕолоро» норуоттар икки ардыларынааҕы спортивнай оонньууларга кыайбыт спортсмеҥҥа төлөбүр 50 тыһ. солк., онтон бүтүн Арассыыйатааҕы спартакиадаҕа күүстээх спортсменнар, чөмпүйүөннэр ортолоругар уонна спорт олимпийскай көрүҥнэригэр дойду күрэхтэһиилэригэр бастаабыттарга – 200 тыһ. солк. Онтон успуорт олимпийскай көрүҥнэригэр чөмпүйэнээттэр уонна күрэхтэһиилэр кыайыылаахтара: континеҥҥа – 600 тыһ. солк., аан дойдуга – 1 мөл. солк. ылыахтарын сөп.
Бу биир кэмнээх төлөбүрдэр «СӨ физическэй култуура уонна успуорт сайдыыта» судаарыстыбаннай бырагырааманан көрүллүбүт үптэн-харчыттан оҥоһуллуохтара.
Собо кэнсиэрбэтэ оннооҕор кыбартыыра сылаас хоһугар 4-6 ый устата харайыллыан сөп. Маҕаһыын кэнсиэрбэтиттэн амтанынан туох…
Лоп курдук 30 сыл анараа өттүгэр баара-суоҕа сүүстэн эрэ арыый тахса кыттааччылаах эдэр чинчийээччилэр кэмпириэнсийэлэрэ…
Тоһуттар тымныылаах Саха сиригэр олорор дьон быһыытынан, төһө кыалларынан халыҥ, табыгастаах таҥаһы кэтэргэ дьулуһабыт. Олох…
Ороһуоспа күнүгэр спортивнай куттаах Ньидьили нэһилиэгэр биирдиилээн бастыыр иһин бильярдка, тиэннискэ уонна дуобакка күрэхтэр үрдүк…
2026 сыл тохсунньу 1 күнүттэн көрдөрүүгэ тахсыбыт “Буратино” биллэр остуоруйа персонаһын туһунан Арассыыйа саҥа киинэтэ…
2025 сылга РФ Бэрэсидьиэнэ Владимир Путин көҕүлээбит “Инфраструктура для жизни” национальнай бырайыак үлэтин саҕалаабыта. Тустаах…