Мария Васильева хаартыската, СИА.
Өрөспүбүлүкэҕэ үбүлээһин араас хайысхатынан быйыл барыта 3 млрд. 999 мөл. солк. суумалаах успуорт 10 эбийиэгэ тутулла турар. Ааһан эрэр сылга Дьокуускай куоракка элбэх хайысхалаах успуорт саалата, Чурапчы сэлиэнньэтигэр А.К.Софронов аатынан култуура-успуорт комплекса, Хатас сэлиэнньэтигэр успуорт комплекса номнуо үлэҕэ киирдилэр.
Билиҥҥитэ бэрэсидьиэн “Демография” национальнай бырайыагын “Успуорт – олох нуормата” бырайыагынан, Бүлүү улууһун Кыһыл Сыыр бөһүөлэгэр успуорт саалатын, Дьокуускай куоракка искусственнай муустаах каток туталлар. Бу эбийиэктэри эһиил үлэҕэ киллэриэхтээхтэр, күн бүгүн тутуу бэлэмэ 50-тан тахса бырыһыаҥҥа тэҥнэһэр.
Таатта улууһугар “Манчаары оонньуулара” XXII спартакиаданы көрсө “Демография” национальнай бырайыак “Бизнес-спринт” бырайыагынан Чөркөөххө успуорт саалата тутуллуоҕа. Тутуу бэлэмэ – 43%.
Ону тэҥэ, “Единэй субсидия” бырагырааманан Эдьигээн сэлиэнньэтигэр элбэх хайысхалаах успуорт саалатын тутуохтара, анал казначейскай кирэдьиитинэн – Дьокуускай куорат Спортивнай түөлбэтигэр элбэх хайысхалаах чэбдигирдэр-успуорт комплексын, “Тыа сирин кэлимсэ сайыннарыы” бырагырааманан – Сунтаар сэлиэнньэтигэр успуорт комплексын.
Итини таһынан, “СӨ физическэй култуураны сайыннарыы” судаарыстыбаннай бырагырааманан Таатта улууһун Ытык Күөл сэлиэнньэтигэр 1000 миэстэлээх стадион уонна элбэх хайысхалаах успуорт-чэбдигирдэр комплексын, Томпо улууһун Кириэс Халдьаайы уонна Уус Алдан улууһун Танда сэлиэнньэлэригэр успуорт саалаларын үлэҕэ киллэриэхтэрэ.
Саха сиригэр кэлиҥҥи биэс сылга “Демография” национальнай бырайыагын киллэрэн туран араас бырагыраамаларынан 36 успуорт улахан эбийиэктэрэ аһыллыбыттара. Итиэннэ ГТО тестирование киинигэр 37 успуорт дьоҕус былаһаакката тэриллибитэ, тэрилтэлэри, успуорт оскуолаларын саҥа тэрилинэн хааччыйыы барар.
Сыаллаах-соруктаах үлэ ыытыллыытын түмүгэр, чөл олоҕу уонна маассабай успуорду тарҕатыыга, ону тэҥэ, успуорт инфраструктуратын тутуу түмүгэр успуордунан утумнаахтык дьарыктанар өрөспүүбүлүкэ олохтооҕун ахсаана кэлиҥҥи биэс сылга 1,7 төгүл эбиллэн, 2023 сылга Саха сирин нэһилиэнньэтин уопсай ахсааныттан 55 % тэҥнэстэ.
Ил Дархан уонна Бырабыыталыстыба пресс-сулууспата.
Уопсайа 500-тэн тахса араас саастаах дьон «Вместе Победим!» диэн сүүрүүгэ кыттыыны ыллылар. Бу аахсыйа онкологическай…
Дьылҕа хаан ыйааҕа билиэҕэ диэн санаа сахаларга хайдах, хаһан кэлбитин билбэтим гынан баран, хас биирдии…
2025 сылга “Үлэ киһитэ‑2025” үрдүк ааты ылбыт дьон ортотугар Бүлүү улууһуттан ийэлээх кыыс бааллара биир…
Саха ынаҕын иитиэн баҕалаах ыал ыйытыытыгар Эбээн Бытантайтан хоруйдаатылар. — Саха ынаҕын иитиэхпитин баҕарабыт. Онон бу…
Мин аҕам туһунан бэрт уһун кэм устата ахтыбакка, суруйбакка сылдьан баран, дьэ бу Улуу Кыайыы…
Нуучча улуу бэйиэтэ, драматура уонна прозаига Александр Пушкин төрөөбүт күнүн көрсө бэйиэт айар үлэтигэр сүгүрүйээччилэр…