Хаартыска: СӨ физическэй култууратын уонна успуордун министиэристибэтин саайтыттан
Киокусинкай каратеҕа аан дойду үс төгүллээх чөмпүйүөнэ Хаид Мантаев көҕүлээһининэн уонна РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев Уһук Илини сайыннарыы министиэристибэтин көмөтүнэн, Саха сиригэр «Уһук Илиҥҥи федеральнай уокуркка 50 успуорт саалата» бырагыраама олоххо көхтөөхтүк киллэриллэр. 2023 сылтан өрөспүүбүлүкэҕэ номнуо успуорт сэттэ саалата тутулунна.
Бырагыраама Саха сирин ыраах улуустарын киллэрэн туран, спортивнай инфраструктураны сайыннарарга, физкултуура уруогар уонна уопсай үөрэхтээһин тэрилтэлэригэр эбии үөрэхтээһиҥҥэ усулуобуйаны тэрийиини сайыннарарга туһуланар.
—Успуордунан дьарыктаныы киһи сайдарыгар, үүнэр көлүөнэ күүстээх уонна чэгиэн буоларыгар туһалаах, наадалаах. Биһиги сорукпут — үөрэх кыһаларыгар, ыраах баар улуустарга физкултуура уруоктарын ыытарга усулуобуйаны тэрийии. РФ Бэрэсидьиэнэ В.Путин, РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Ю.Трутнев уонна Уһук Илини сайыннарыы министиэристибэтин кытта бииргэ өйөөһүннэринэн бырагыраама салгыы үлэлиэ, — диэн бэлиэтиир Хаид Мантаев.
Успуорт саҥа саалалара Дьокуускайга 10 №-дээх, 20 №-дээх, Аммаҕа Мээндиги, Таатта улууһугар Ытык Күөл 2 №-дээх оскуолаларыгар, Алдан гимназиятыгар уонна өрөспүүбүлүкэҕэ өссө икки үөрэх кыһатыгар аһыллыбыттара.
Үөрэнээччилэр уонна учууталлар успуорт аныгы саалалара физкултууранан уонна успуордунан дьарыктанарга интэриэһи үрдэтэллэрин бэлиэтииллэр.
—Мин киокусинкайынан сэттис сылбын дьарыктанабын, күөх курдаахпын, күрэхтэһиилэргэ бириистээх миэстэлэрдээхпин. Дьарыктар саҥа успуорт саалатыгар ыытыллар буолбуттарын истэн наһаа үөрбүтүм. Гимназиябыт таһыгар баара, киэҥэ-куоҥа олус үчүгэй. Бу иннинэ аҕам араас саалаларынан дьароыктарга таһар этэ, ол соччо табыгаһа суоҕа. Билигин дьарыктанарга олус үчүгэй, бииргэ үөрэнэр оҕолорум, элбэх оҕо сиэксийэҕэ суруйтарыан баҕарар, — диэн Алдан гимназиятын 7 кылааһын үөрэнээччитэ Владимир Хинельцев санаатын үллэстэр.
Көҕүлээһин РФ Бэрэсидьиэнэ В.Путин туруорбут «Ыччат уонна оҕолор» национальнай бырайыагын уонна «Физическэй култуураны уонна успуорду сайыннарыы» федеральнай бырагыраама сыалларыгар, соруктарыгар сөп түбэһэр.
СӨ Ил Дарханын уонна Бырабыыталыстыбатын пресс-сулууспата
Сиһилии: https://minsport.sakha.gov.ru/news/10132
Хаартыска: СӨ физическэй култууратын уонна успуордун министиэристибэтин саайтыттан
Өймөкөөн улууһугар судургута суох балаһыанньа буолла. Күүстээх ардахтар түһэн, эмиэ уу таһыма тахсан, сүүрбэттэн тахса…
«Сулусчаан» дизайн-студия салайааччыта уонна «Үлэ кыбаартала» креативнай кластер резиденэ Ростислав Павлов «Ойуур оҕолоро» саҥа комиксын…
Бүгүн Ил Дархан Айсен Николаев тэлэбиисэринэн “Прямой разговор” биэриигэ быһа эпииргэ тахсан олохтоохтор ыйытыыларыгар хоруйдаата.…
Дьааҥы улууһун педагог идэлээх ыала быйыл 4,5 киилэ ыйааһыннаах арбуустары хомуйдулар. Бала сэлиэнньэтин оскуолатын педагогтара…
Күрэс төрүт көрүҥнэригэр "Манчаары оонньууларын" көрсө Таатта улууһугар Ытык Күөлгэ саҥа эбийиэктэр тутуллан үлэҕэ киирбиттэрэ.…
Ааспыт сууккаҕа Сунтаар уонна Өлүөхүмэ улуустарын сирдэригэр 7,5 га иэннээх икки ойуур баһаарын умуоруордулар. Ити…