Саха сиригэр устудьуон этэрээттэрэ 4,5 тыһыынча байыаһы үлэнэн хааччыйыахтара

Быйыл Саха сиригэр 4500 устудьуон этэрээтин байыастарын үлэнэн хааччыллыахтара.

Кинилэр тутууга, иитиигэ, тыа хаһаайыстыбатыгар, өҥө оҥоруутугар, эмтээһин хайысхатыгар үлэлиэхтэрэ.  Бу туһунан «Арассыыйа устудьуоннарын хамаандалара» норуоттар икки ардыларынааҕы уопсастыбаннай тэрилтэ Саха сиринээҕи эрэгийиэннээҕи салаата иһитиннэрдэ.

Олунньу бүтүүтүттэн өрөспүүбүлүкэҕэ “Кыайыы хаарын дэсээнэ” Бүтүн Арассыыйатааҕы патриотическай аахсыйа олоххо киирбитэ. Ол чэрчитинэн, 9 устудьуон хамаандата 12 муниципальнай оройуоннарга сылдьыбыттара: Горнай, Уус Алдан, Мэҥэ Хаҥалас, Хаҥалас, Нам, Сунтаар, Бүлүү, Үөһээ Бүлүү, Ньурба, Мииринэй, Амма уонна Ленскэй.  Устудьуоннар 118 тиэргэни хаартан ыраастаатылар. Ол эбэтэр байыаннай дьайыы кыттыылаахтарыгар, тыыл уонна үлэ бэтэрээннэригэр, соҕотох уонна инбэлииттэргэ өйөбүл оҥордулар.

Ону тэҥэ, Аҕа дойду Улуу сэриитигэр аналлаах 25 пааматынньыгы, болуоссаттары саҥартылар. Оскуолаларга викториналары, профориентационнай көрсүһүүлэри ыыттылар, босхо кэнсиэртэри көрдөрдүлэр.  Аахсыйаҕа 183 устудьуон этэрээтин байыаһа кытынна.

Сиһилии https://www.sakha.gov.ru/news/4382 саайтка ааҕыҥ.