Саха сиригэр VI тирэхтээх сайдыы Хотугу пуорума ыытыллыаҕа

Саха сиригэр сэтинньи 26-28 күннэригэр VI тирэхтээх сайдыы Хотугу пуорумҥа хоту сир уонна Арктика кэскиллээх сайдыытын дьүүллэһэр былаһаакканан буолуоҕа диэн СӨ Тас сибээстэргэ уонна норуоттар дьыалаларыгар министиэристибэҕэ иһитиннэрдилэр.

Пуорум тиэмэтэ: «Север и Арктика – партнерство в меняющемся мире». Дьыалабыай бырагыраама чэрчитинэн алта сүрүн блоктарга арахсан үлэ былааннанар: «Север и Арктика – партнерство в меняющемся мире», «Северный Форум: голос регионов в международной повестке», «Партнерство для развития арктической инфраструктуры», «Креативные индустрии и культура Арктики в глобальном контексте», «Глобальное партнерство на благо экологии», «Устойчивое развитие сообществ коренных народов».

Пуорум сүрүн спикердэринэн СӨ Ил Дархана Айсен Николаев, СӨ Бырабыыталыстыбатын Бэрэссэдээтэлин солбуйааччы Ольга Балабкина, Арассыыйа МИД-н европейскай кыһалҕалар департаменнарын дириэктэрэ Владислав Масленников, Хотугу пуорум үтүө санаатын посола, Арассыыйа ыксаллаах быһыыга-майгыга уонна боломуочуйалаах посола Антон Васильев, Арассыыйа наукаларын академиятын хотугу салаатын бэрэссэдээтэлэ, Арассыыйа наукаларын академиятын вице-бэрэсидьиэнэ, академик Валентин Пармон, Хотугу пуорум үтүө санаалаах посола, Полярнай киин ситэриилээх дириэктэрэ профессор Го Пейцин, Кытай Норуодунай университетын «Чуньянь» үп чинчийиитин институтун декана бэрэпиэссэр Ван Вэнь уонна Хотугу пуорум атын даҕаны бастыҥ эспиэрдэрэ буолуохтара.

Пуормуҥа кыттыан баҕалаахтар официальнай сайтка регистрацияны ааһаҕыт: www.nsdf.ru. Сиһилии: https://www.sakha.gov.ru/news/15859