Саха сиригэр волонтер-миэдиктэр бөлөхтөрө тэрилиннэ

Саха сиригэр волонтер-миэдиктэр бөлөхтөрө тэрилиннэ

Ааптар:
29.11.2022, 16:19
Бөлөххө киир:
Бүгүн, сэтинньи 29 күнүгэр, Ил Дархан  Айсен Николаев бастакы мэдиссиинискэй көмөнү оҥоруу кууруһугар  үөрэммит  волонтердарга дипломнары туттарда.
«Биир ньыгыл Арассыыйа» баартыйа  анал бырайыага Дьокуускайдааҕы мэдиссиинискэй колледжка саҕаламмыта. Дипломнары туттарыы тэрээһинэ «Биир ньыгыл Арассыыйа» баартыйа бэрэссэдээтэлэ Дмитрий Медведев эрэгийиэннээҕи уопсастыбаннай приемнайыгар олохтоохтору кытары көрсүү иитинэн буолла.
«Эһиги үлэҕититтэн уонна мэдиссиинискэй көмөнү хаачыстыбалаахтык оҥороргутуттан, дьон олоҕо быһаччы тутулуктаах.  Эһиэхэ улаханнык махтанабын«, — диэн  Айсен Николаев эттэ.
Чугастааҕы кэмҥэ  волонтер-миэдиктэр Москваҕа айаннаары сылдьаллар. Онно  эчэйбит биир дойдулаахтарын көрүөхтэрэ-истиэхтэрэ, күүс-көмө буолуохтара.
Көрсүһүү кэмигэр Дьокуускайдааҕы мэдиссиинискэй колледж  дириэктэрэ   Дмитрий Алексеев  үөрэх кыһатын  инники былааннарын, ол иһигэр тактическай мэдиссиинэ үөрэҕин тэрийии туһунан кэпсээтэ.
Лента
Салгыы
29 января
  • -45°C
  • Ощущается: -45°Влажность: 64% Скорость ветра: 0 м/с

Сообщить об опечатке

Текст, который будет отправлен нашим редакторам: