Хаартыска: sakha.gov.ru
Таатта улууһун Ытык Күөлүгэр 1000 миэстэлээх успуорт комплекса уонна стадион тутуута салҕанар.
XXII спартакиадаҕа «Манчаары оонньуулара» успуорт национальнай көрүҥнэригэр бэлэмнэнии үлэтин хаамыыта бырабыыталыстыба бэрэссэдээтэлин солбуйааччы Сергей Местниковтыын улууска ыытыллыбыт тэрийэр кэмитиэт мунньаҕар көрүлүннэ.
Санатан эттэххэ, Ил Дархан Айсен Николаев дьаһалынан «Манчаары оонньуулара» успуорт национальнай көрүҥнэригэр спартакиада 2025 сыл от ыйыгар Таатта улууһугар ыытыллыаҕа.
Дойду Бэрэсидьиэнэ Владимир Путин бэлиэтээбитинэн, Арассыыйа национальнай успуорт көрүҥнэрин тарҕатыыга уонна маассабай успуорт көрүҥнэрин курдук сайыннарыыга үлэлиэхтээх.
Тэрийэр кэмитиэт мунньаҕын иннинэ бырабыыталыстыба бэрэссэдээтэлин солбуйааччы Сергей Местников Чөркөөххө модульнай успуорт саалатын эбийиэгэр уонна Ытык Күөлгэ успуорт былаһааккаларын тутуу миэстэлэригэр сырытта. Успуорт уораҕайын эбийиэгэ уонна 1000 миэстэлээх стадион 2025 сыл бастакы аҥаарыгар тутуллан бүтэрэ күүтүллэр. Билиҥҥитэ эбийиэктэр сыбаайалара бары туруоруллубуттар. Үлэ кыраапык быһыытынан ыытыллар.
Трибуналаах ипподром тутуутугар сир учаастага быһаарыллыбыт. Бырайыактыыр докумуоннар судаарыстыбаннай эспэртииһэ үчүгэй түмүктэрин ылбыттар. Дьүүллэһии түмүгэр Сергей Местников Ытык Күөл, Чөркөөх, Боробул сэлиэнньэлэрин тупсарыыга үлэ быйыл саҕаланарыгар сорудахтаата.
СӨ Ил Дарханын уонна Бырабыыталыстыбатын пресс-сулууспата
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong…
Нам улууһун территориятыгар ыксаллаах быһыы-майгы эрэсиимэ биллэрилиннэ. Бу туһунан улуус дьаһалтатын пресс-сулууспата иһитиннэрдэ. Бүгүн, ыам…
Сааскы кустааһын сезона саҕаланыаҕыттан, хомойуох иһин, өрөспүүбүлүкэҕэ киһи өлүүлээх хас да түбэлтэ таҕыста. СӨ…
Саха сирэ Кытай Норуодунай Өрөспүүбүлүкэтин Цзянси провинциятын кытары доҕордуу сибээс туһунан Сөбүлэһии түһэристэ. Арассыыйа -…
«Азия оҕолоро» успуорт норуоттар икки ардыларынааҕы оонньууларыгар 116 эбийиэк туһаныллыаҕа. СӨ бырабыыталыстыбатын бэрэссэдээтэлин бастакы солбуйааччы…
Бу туһунан Саха Өрөспүүбүлүкэтин экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Анатолий Алексеев иһитиннэрдэ.…