Хаартыска: СИА (архыыптан).
Саха сиригэр “Ыччат уонна оҕо” национальнай бырайыак иитинэн бу сыл түмүктэниэр диэри үөрэх алта эбийиэгэ тутуллан бүтүөҕэ. Ити туһунан Үөрэх уонна билим миниистирин солбуйааччы Степан Степанов иһитиннэрбит.
Сыл түмүктэниэр диэри бу эбийиэктэри үлэҕэ киллэрэр былааннанар: Дьокуускай куоракка 253 оҕо үөрэнэригэр 1-кы нүөмэрдээх оскуоланы, Өлүөхүмэ улууһун Заречнай бөһүөлэгэр 60 миэстэлээх оскуоланы, Өймөкөөн улууһун Үчүгэй сэлиэнньэтигэр 60 миэстэлээх оскуоланы, 150 миэстэлээх интэринээттээх уонна 200 миэстэлээх уһуйааннаах үөрэх адаптивнай комплексын, ону тэҥэ, Хаҥалас улууһун Булгунньахтаах сэлиэнньэтигэр 100 миэстэлээх уһуйааны. Итини таһынан, Мииринэй куоракка эбии үөрэхтээһин киинэ – Оҕо дыбарыаһын тутуута түмүктэниэҕэ.
“Ити эбийиэктэр өрөспүүбүлкүкэ саамай уһук муннугар оҕо үөрэнэригэр аныгы усулуобуйаны тэрийэри хааччыйыахтара. Биһиги үөрэх инфраструктуратын саҥардыы тиһиктээх үлэтин салгыы ыытабыт,” – диэн Степан Степанов бэлиэтиир. Билиҥҥитэ эрэгийиэҥҥэ, 18 оскуоланы, уһуйааны уонна биир эбии үөрэхтээһин эбийиэгин киллэрэн туран үөрэх өссө 26 эбийиэгэ тутулла турар. Бу тутуулар 2030 сылга диэри үлэҕэ киирэллэрэ былааннанар.
“Ыччат уонна оҕо” национальнай бырайыак өйөбүлүнэн Саха сиригэр былырыын 2024 сылга 15 оскуола тутуллубут, 2018 сылтан эрэгийиэҥҥэ барыта 171 үөрэх саҥа дьиэтэ аһыллыбыт.
Бу туһунан Ил Дархан уонна Бырабыыталыстыба пресс-сулууспата суруйар.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…