Хаартыска: А.Сорокин (СИА)
Бүгүн, кулун тутар 15 күнүгэр, «Точка будущего» үөрэхтээһин киинин тутуу былаһааккатын көрө Ил Дархан Айсен Николаев, «Саҥа дьиэ» Аһымал пуонда салайааччыта Альберт Авдолян уонна Ростех Судаарыстыбаннай корпорациятын генеральнай дириэктэрэ Сергей Чемезов сырыттылар.
«Үөрэхтээһиҥҥэ инвестициялар -– биһиги дойдубутугар дьоһуннаах уонна ордук наадалаах инвестициялар. Сергей Викторович Чемезов, Альберт Аликович Авдолян көмөлөрүнэн судаарыстыбаннайа суох толору үп суотугар үөрэх улахан эбийиэгэ тутуллар. Манна биир сылынан баар буолуохтаах эйгэ эрэ буолбакка, оҕолор сайдыыларыгар туһуланар саҥа ньымалар ордук суолталаахтар. Биһиги бу бырайыак инвестордарын кытары ыкса үлэлэһэбит. Өрөспүүбүлүкэ маннык бырайыактары өйүөҕэ. Бу чааһынай биисинэс социальнай эппиэтинэһин улахан холобурунан буолар», – диэтэ Айсен Николаев.
Тутуу былаһааккатыгар тыһыынчаттан тахса киһи үлэлиир. Билиҥҥитэ оскуола куорпустарын, олорор дьиэлэр уонна тырааныспар терминалын каркастарын оҥорууга монолитнай үлэлэр түмүктэннилэр. Бүгүҥҥү сырыы кыттыылаахтара оскуола үс куорпуһун туругун билистилэр.
«Бырайыак үрдүк таһымнаахтык олоххо киирэригэр туох кыалларын барытын оҥоробут. Жатайга «Точка будущего» эбийиэк бастакы үөрэнээччилэрин 2026 сылга көрсөрүгэр суоттанабыт», — диэтэ Альберт Авдолян.
Сабыылаах куорпустарга инженернэй коммуникациялары таҥыы (быыстары уонна муостаны оҥорууну киллэрэн туран) үлэтэ көхтөөхтүк барар. Аһаҕас куорпустарга исписэлиистэр сылааһы биэрии систиэмэтин таҥаллар.
«Точка будущего» үөрэхтээһин комплекса -– элбэх хайысхалаах аныгы тутуу, манна 200 миэстэлээх оҕо уһуйаана, 360 миэстэлээх начаалынай оскуола (1-6 кылаастар) уонна 480 миэстэлээх орто оскуола (7-11 кылаастар) киирэллэр. Ону сэргэ бассейннаах, успуорт уонна художественнай гимнастика саалалардаах успуорт блога баар. Маны тэҥэ икки сиэксийэттэн турар элбэх кыбартыыралаах олорор дьиэ уонна 249 массыына турар тырааныспар терминала тутуллаллар.
«Точка будущего» үөрэхтээһин бастакы комплекса, биисинэс социальнай эппиэтинэһин холобурун быһыытынан, бу иннинэ Иркутскай куоракка «Саҥа дьиэ» Аһымал пуонда көмөтүнэн тутуллубута.
Алтынньы ыйга Саха сиригэр өссө 20 км уһуннаах эрэгийиэннээҕи суолталаах суол өрөмүөнэ түмүктэннэ. Бу туһунан…
Үлэ ырыынагар үлэһит илии тиийбэтэ уонна импорты солбуйар оҥорон таһаарыы күүскэ сайдыыта кэнники сылларга хамнас…
Таатта улууһун борокуратууратын быһаарбытынан, Алдан нэһилиэгин баһылыга дуоһунаһын туһанан, урбаанньыт быраатын кытта 453 тыһ. солк.…
Реабилитацияланарга тэхиниичэскэй сириэстибэлэри прокаттыыр пууннар өрөспүүбүлүкэ бары улуустарыгар уонна Дьокуускай куоракка аһылыннылар, диэн СӨ Үлэҕэ…
Бүгүн Хаҥалас улууһугар бэлиэ тэрээһин – Тыгын Дархан пааматынньыгын уонна кини сыдьааннарыгар анаммыт мемориальнай комплексы…
«Кыайыыга бииргэ!» өрөспүүбүлүкэтээҕи хамыыһыйа байыаннай сулууспалаахтары эбии хааччыйыыга былааннаах үлэтин салгыыр. Кэлэр нэдиэлэҕэ байыаннай дьайыы…