Хаартыска: sakha.gov.ru
Тохсунньу 13 күнүгэр, оптуорунньукка, СӨ Ил Дархана Айсен Николаев «Билии» уопсастыба эрэгийиэннээҕи салаатын кэтээн көрөр сэбиэтин мунньаҕын ыытта.
2026 сылга сүрүн соруктарынан олохтоох лектордары бэлэмнээһин уонна өрөспүүбүлүкэҕэ үөрэхтээһин үлэтин биир кэлим тиһигин тэрийии буолар. Ааспыт сылга Саха сиринээҕи салаа 301 лиэксийэни тэрийдэ, онно 13 тыһыынчаттан тахса киһи сырытта. Тэҥнээн көрдөххө, 2024 сыллаахха тоҕус тыһыынчаттан тахса истээччигэ 220 лиэксийэ ааҕыллыбыта. Дьаһаллар араас араҥаҕа анаммыттара: оскуола үөрэнээччилэригэр, устудьуоннарга, үлэлиир ыччакка, төрөппүттэргэ, аҕам саастаах дьоҥҥо, ону таһынан судаарыстыбаннай сулууспалаахтарга. Лиэксийэлэр Дьокуускайга уонна өрөспүүбүлүкэ улуустарыгар ыытыллыбыттара.
СӨИл Дархана эрэгийиэннээҕи салаа сырдатар үлэтин эрэллээх тиһигин тэрийбитин, хабыытын кэҥэтэн, уопсастыбаннай олох суолталаах киинэ буолан иһэрин бэлиэтээтэ. Былааннар тустарынан кэпсииригэр, кини Арассыыйаҕа Сомоҕолоһуу сылыгар уонна Саха сиригэр Култуура сылыгар «Билии» уопсастыба дьону уопсай история уонна култуура сыаннастарын тула түмэр ураты суолталааҕын эттэ. Айсен Николаев «Билии» уопсастыба Саха сиринээҕи Наукалар академияларын кытта бииргэ үлэлиирэ улахан суолталааҕын ыйда. Кини этэринэн, учуонайдар кыттыылара сырдатар үлэҕэ үрдүк таһымнаах интеллектуальнай төрүөтү олохтуурга көмөлөһөр.
«Эрэгийиэннээҕи салаа атаҕар туруу кэмин ситиһиилээхтик ааста. Үлэ университет баазатыгар тэриллибитинэн, үгүс ситиһилиннэ. Салгыы үлэни күүһүрдүөххэ наада», — диэн өрөспүүбүлүкэ баһылыга санатта.
Дьокуускай 400 сылыгар бэлэмнэниини туспа дьүүллэстилэр. Өрөспүүбүлүкэ салайааччыта бэлиэ түгэн киин куоракка эрэ буолбакка, бүтүн дойдуга суолталааҕын эттэ. Онон сибээстээн, «Билии» уопсастыба үбүлүөйгэ аналлаах дириҥ ис хоһоонноох, историяны сырдатар уонна култуурунай дьаһаллары тэрийиигэ сүрүн оруолу оонньуохтаах. Ону таһынан, Айсен Николаев филиал тэрээһиннэри ыытар үлэтин чопчу, сиһилии былаанын оҥорор наадатын ыйда. Кини бэлиэтээбитинэн, өрөспүүбүлүкэҕэ араас тэрилтэлэр элбэх сырдатар көҕүлээһиннэри ыыталлар, ол эрээри үлэ дьүөрэлэһиитэ суох барар.
“Бүлүү” уонна “Халыма” федеральнай суолларга өрүһү туоруур тиэхиньикэлэргэ таһаҕастарын уйуга үрдэтиллибитин туһунан “Бүлүү” Упрдор иһитиннэрдэ.…
Абый улууһугар ИДьМ отделын дьурууһунай чааһыгар мэдиссиинэ тэрилтэтэ быһаҕынан анньыллыбыт баастаах эр киһи киирбитин туһунан …
Байыаннай дьайыы кыттыылаахтарын чэпчэтиилэрин саҥа эрэгийиэннэргэ үлэлиир исписэлиистэргэ биэрэр санаалаахтар. Судаарыстыбаннай Дуума тохсунньу 13 күнүгэр…
Саха сирин сүүмэрдэммит хамаандатын боксердара Максим Припузов уонна Андрей Егоров Социалистическай Үлэ Дьоруойа Николай Семизоров…
Астрологияҕа Ый — киһи ис туругун, дууһатын, санаатын уонна энергиятын салайар планета. Айылҕаҕа Ый байҕал…
Судаарыстыбаннай Дуума вице-спикерэ Борис Чернышов кылаас салайааччыларын үлэтин уларытарга этии киллэрдэ. Кини санаатынан, биридимиэттэри үөрэтэртэн…