Саха сиригэр үгүс улуустарынан +33°С диэри итийиэ
![](https://sakha-sire.ru/wp-content/uploads/2024/07/vms_7859-900x596.jpg)
Саха сиригэр күнү-дьылы кэтээн көрөөччүлэр соҕуруулуу-арҕаа быстах ардах, сорох сиринэн этиҥнээх ардах түһэрин билгэлииллэр.
Дьааҥы уонна Халыма-Индигиир улуустарынан ардах, сорох сиринэн күүстээх самыыр түһүөҕэ, киин улуустарынан, соҕуруу, арҕаа, хотугулуу-арҕаа улуустарга сөҥүүтэ суох күн туруоҕа.
Дьааҥы, Халыма-Индигиир улуустарынан уонна этиҥнээх ардах кэмигэр сөкүүндэҕэ 15-20 м/с диэри күүстээх тыалырыа.
Салгын температурата түүн +12+17°С, соҕуруулуу-арҕаа +16+21°С, өрөспүүбүлүкэ хоту улуустарынан +4+9°С кыраадыс сылаас. Күнүс +28+33°С, соҕуруулуу-арҕаа +31+36°С, арҕаа +22+27°С, хотугулуу-арҕаа +14+19°С, Халыма-Индигиир улуустарыгар сорох сиринэн +8+13°С кыраадыс сылаас.
Дьокуускайга салгын температурата түүн +13+15°С, күнүс +30+32°С кыраадыска диэри итийиэ, сөҥүүтэ суох, хотугулуу-арҕааттан сөкүүндэҕэ 3-8 м/с түргэннээх тыаллаах.
Сообщить об опечатке
Текст, который будет отправлен нашим редакторам: