Саха сиригэр үлэ дьаарбаҥката ыытыллыаҕа

Саха сиригэр Арассыыйатааҕы «Работа России. Время возможностей» үлэ дьаарбаҥката эрэгийиэннээҕи түһүмэҕэ саҕаланна.

Бары улуустарынан муниципальнай түһүмэҕэ муус устар 12 күнүгэр ыытыллыаҕа. Тэрээһиҥҥэ 350-тан тахса тэрилтэ уонна урбаанньыт 10 тыһыынча кэриҥэ үлэ миэстэтин араас салааларга мэктиэлиэхтэрэ. Тэрийээччилэр 130 былаһаакканан 7 тыһыынчаттан тахса киһи кыттарын былаанныыллар.   Онон буолаары турар тэрээһиҥҥэ үлэ көрдүүр дьон көхтөөхтүк кыттыахтара.

Интэриэһиргээччилэр https://gkzn.sakha.gov.ru , https://t.me/gkznsakha,  https://работавякутии.рф,  https://t.me/czn_yakutia.   аадырыстарынан куйаар ситимиттэн билсиэххитин сөп.