«Саха сиригэр үлэлээ» — Бүтүн Арассыыйатааҕы куонкурус түмүктүүр түһүмэҕэр киирдэ

Саха сиригэр нэһилиэнньэ дьарыктаах буолуутун Судаарыстыбаннай сулууспатын бырайыага — «Саха сиригэр үлэлээ» бэстибээл 2025 с. ыччат дьарыктаах буолуутун хааччыйыы бастыҥ быраактыкаларын Арассыыйатааҕы күөн күрэһин «Регион-магнит: ыччат аудиториятын тардыы бастыҥ быраактыкалара» номинация түмүктүүр түһүмэҕэр киирдэ.

—«Саха сиригэр үлэлээ» саҥа, сонун киэбэ устудьуоннары уонна выпускниктары кытта тиһиктээх үлэтин таһыма, ыччат, үлэни биэрээччи уонна үрдүкү салалта икки ардыларыгар кэпсэтиини ситиһиилээхтик олохтооһуна бэлиэтэннэ. Бэстибээлгэ үлэ дьаарбаҥкалара, өрөспүүбүлүкэ бастыҥ тэрилтэлэрин бэрэстэбиитэллэрин кытары көрсүһүүлэр тэриллэллэр, олохтоох эдэр дьону идэлэринэн үлэ булалларыгар өйөбүл оҥоһуллар, кинилэр төрөөбүт дойдуларыгар үлэлииллэригэр болҕомто ууруллар.

Күөн күрэс түмүктүүр түһүмэҕэ Москваҕа ыытыллар. Онно финалистар бырайыактарын дьүүллүүр сүбэҕэ билиһиннэрэллэр. Кыайыылаахтар бэйэлэрин быраактыкаларын федеральнай таһымҥа далааһыннаахтык тарҕатар кыахтаналлар.

Санатан эттэххэ, РФ үлэҕэ уонна социальнай көмүскэллээх буолууга министиэристибэтин өйөбүлүнэн тэриллибит ыччаты үлэнэн хааччыйыы бастыҥ быраактыкаларын Бүтүн Арассыыйатааҕы куонкуруһа эрэгийиэннэр көдьүүстээх көҕүлээһиннэрин ыччат дьарыктаах буолуутун эйгэтигэр киэҥник тарҕатарга көмөлөһөр.

Сиһилии: https://www.sakha.gov.ru/news/14865

СӨ Ил Дарханын уонна Бырабыыталыстыбатын пресс-сулууспата